تعالى أعلمك الفول بتاع المحلات وتوفرى فلوسك

هتجيبى نص كيلو فول يكون بلدى من الكبير ده مش الصغير المستورد
وهتنقعيه قبلها بيوم يعن لو نقعتيه دلواتى اعمليه بكره الصبح او الضهر كدا وبعدين تغسليه تانى وتحطيه فى القدرة بتاعة الفول وتحطى 3/4 ماء وتخليها تغلى وبعدين توطى زى الشمعة وتكتمة القدرة وممكن تحطى عليها مج تقيل او حاجه تقيله عشان ميدخلهاش هوا خالص عشان ميسودش طبعا فوق الغطا مش عايزين ذكاء وتسبيها 4 ساعات وبعدين تفتحى عليها وتشوفى كذا حبايه لانى بيكون ساعات حبه استو وحبه لاة بس هتلاقى الكل استوى بعد ال4 ساعات بس لهم حاجه متفتحيش خالص قبل كدا وهو مش هيحتاج ماء لانه شارب ماء وكمان النار وطيه تمام
بعد لما يستوى هتجيبى قد قبضة ايدك وهى مقفوله رز وزيها فول مدشوش وهتغسليهم وتحطيهم على الفول وتقلبيه ولو عايز ماء زودى ماء مغى مش ساقعه خدى بالك وتقفلى تانى وهتسبيه 1/2 ساعة وبعدين تفتحى وتشوفى الفول المدشوش لو لقتيه استوى 1/2 سوى لو سوى كامل ولقيتى الرز استوى هتجيبى قد قبضة ايدك عدس وتحطيه وتقلبى وتقفلى وبرده تسبيه 1/2 ساعة وخدى بالك من الترتيب تمام؟؟؟؟
بعد كده تشوفى العدس لقتيه استوى هتجيبى 1/4 معلقة صغيرة كركم وتحطيها وتقلبى بسرعة وتطفى النار بسرعة عشان ميمررش وتانى هاكد 1/4 معلقة بس وهتسبيه يبرد وتحطيه فى التلاجه ولما تسخنى منه فى الطاسه طلعى من القدره بمعلقه ناشفة وياريت خشب وتحطى عليه فى الطاسه الاول حبه مايه مغلية صغيرين او زى مابتحبى قوامه
وتحطيه على النار عادى وتحطى اضافاتك وياحلاوته بالزيت الحار وبصله خضرا
نقلا عن موقع:كوني يكن