الحل انك تتحدى الدنيا!!

كتير بنقابل في الدنيا مشاكل و مطبات يمكن اصلا مبنلحقش نفرح الا ونلاقي الحزن ورانا..و كأن مستخبي لنا ورا كل ضحكة الف دمعة!!!
يمكن الدنيا فيها حاجات وحشة كتير او بمعنى اصح اللي فيها هما اللي خلوها متتطقش لان ربنا هو اللي خلق الدنيا واستحالة ربنا هيخلق حاجة وحشة.
كلنا بنقابل في حياتنا مشاكل يوميا وكل واحد بيعبر عن زعله بطريقته سواء بالصمت او البكاء او انك تفضفض مع حد..وايان كانت الطريقة اللي بنعبر بها عن زعلنا فعمرها مابتبقى حل.
بس انا عايزة اسألكم على حاجة...هو كم مرة هنعيش؟؟طبعا مرة واحدة فبالذمة مش حرام نعيش المرة دي في زعل و حزن؟؟!!.
لازم تعرفوا اننا مخترناش نيجي الدنيا دي لكنه كان امر الله اللي خلقنا عشان نعمر الارض ونستمتع بالدنيا اللي اتخلقت علشانة بس مش نغضبه.
فلازم مهمها حصل لنا نؤمن بأن ده قدر ومكتوب ونحمد ربنا على اللي احنا فيه ونعرف ان في ناس كتير بتتمنى بس تبقى في وضعنا وان في ناس كتير اقل منا زي ما في ناس اعلى منا.
لازم نتحدى الدنيا و منسمحلهاش انها تهزمنا وفي كل مرة نقع فيها لازم نقوم اقوى من الاول وعلى رأي المثل(الضربة اللي متموتش تقوي) وعلى طول نبتسم لان الابتسامة بتقهر الحزن و منحولش نحبط نفسنا و نقول خلاص تعبنا و فاض بينا لازم دايما نحاول ولو حتى مليار مرة عشان نوصل للي عايزينه و نكون نفسنا مش حد تاني.
نبص للدنيا على انها مكان مؤقت عايشين فيه لحد ما نروح لربنا اللي عنده الاحلى وهي الجنة اللي لازم نخطط اننا نوصلها.
لازم نؤمن بأننا اقوى من الظروف و بارادتنا نقدر نهزم الحزن واليأس زي ما بارادتنا بنقبله ولو اي حد حاول يحبطنا لازم ننسفه من حياتنا.
فثق بالله ثم بنفسك..ثم انطلق وتحدى الدنيا!!!