: اشتقت لنفسى

اشتقت لنفسى كتير
اشتقت لنفسى بجد أصل تاهت بين كتير
عايزة أكون معها وأشوف هى عايزه إيه
اشتقت للضحكة الحلوة واللمة الأحلى
اشتقت للناس الطيبة اللى قلوبها على بعضها
اشتقت لراحة البال وزهقت بمن قال ومين عاد
اشتقت للطفلة اللى جوايا تطلع تلعب وتجرى وتبكى كمان
هو إحنا ليه فى الزحمة بننسى نفسنا
ملامحنا ليه تغيرت رغم إننا زى ما إحنا
ليه دايما بنهرب من نفسنا
خايفين نقول تعبنا نلاقى غيرنا بيدوس علينا
ومش همه جرحنا
وليه لما نصرخ يقولوا لازم نصبر
طب مش إحنا من حقنا نعبر شوية عن اللى فى قلبنا
ولازم نخبى ونقول على نفسنا إحنا فتوة ومفيش زينا
وكلمه آه مش معناه ضعف أو سخط على اللى إحنا فيه
دى مجرد كلمة بنعبر فيه على اللى بنشعر بى
بس بداخلنا رضا يملأ الدنيا كلها
الحمد لله ياربى جعلتنا نقدر نقول على فى قلبنا
ولا نحب فى يوم ننافق أو حتى نعمل زيهم
زى كثير بيحاول يبقى حد تانى بعيد عن اللى هو فيه
دايما بقولها لنفسى قبل حدتانى
أصل إحنا عايشين فى دنيا مش عايشين فى جنة
فيارب أعنا عليها واجعل نهايتنا الجنة