طه الدسوقي: العمل الفني هو لعبة جماعية

حل فريق عمل مسلسل ولاد شمس ضيوف في برنامج معكم مني الشاذلي الذي تقدمه الإعلامية مني الشاذلي، وذلك بعد النجاح الكبير الذي حقق مسلسل ولاد شمس خلال شهر رمضان الماضي.

وتحدث طه الدسوقي عن النجاح الكبير الذي حققه العمل ويحققه هو وزملائه من النجوم الشباب أحمد مالك، عصام عمر، وأحمد داش وغيرهم.

تصريحات طه الدسوقي:

وقال طه:" أنا من زمان كنت بتكلم مع مالك إن إحنا عايزين نشتغل مع بعض، وأنا عندي برده فكرة إن إحنا نشتغل مع بعض ديه لأنه أنا حاسس إن ده الوقت اللي إحنا كلنا كشباب وكل واحد عنده حاجه ممكن يضيفها للي معاه واللي معاه يضيفله وكل ده بنفس حلوه ونفس صافيه وحب كبير جدًا

وأضاف:" وده بيخلي إن اللي عندي بيروح ل مالك واللي عند مالك يجيلي واللي عندي يروح ل عصام وداش وهكذا، كلنا كده محتاجين نبقى بنعمل حاجات مع بعض ومش وقته دلوقتي إن كل واحد يبقي ليه حاجه لوحده وأنا بس وكده لأإحنا عايزين نبقي مع بعض ومجموعه كده سوا، وكمان هي لعبه جماعيه جدًا سواء مسلسل أو فيلم أو أيًا كان العمل الفني هو لعبة جماعية ومحتاجه الروح ديه.

تفاصيل مسلسل ولاد شمس:

ويذكر أن وتدور أحداث مسلسل "ولاد الشمس" فى إطار درامى اجتماعى، حول قصة صديقين نشآ معا منذ الطفولة في دار للأيتام، ويستعرض رحلتهما في الحياة التي قادتهماإلى الدخول في عالم السرقة والجرائم.



مسلسل ولاد الشمس يشارك في بطولته، عدد كبير من الفنانين، أبرزهم أحمد مالك، طه دسوقي، محمود حميدة، معتز هشام، مينا أبو الدهب، دنيا ماهر، والعمل من تأليف مهاب طارق، وإخراج: شادي عبد السلام، وإنتاج الشركة المتحدة للخدمات الإعلامية.