تامر أمين بعد الهجوم على المنتخب: "مش ده العشم يا مصريين"

استنكر الإعلامي تامر أمين، الهجوم الكبير الذي يتعرض له المنتخب الوطني واللاعبين بعد التعادل الإيجابي أمام غانا في الجولة الثانية للمجموعة الثانية لبطولة كأس أمم إفريقيا بهدفين لكل فريق.
"وحش الكون اتطلقت".. تعليق تامر أمين على انفصال ياسمين عبد العزيز والعوضي
تامر أمين عن إصابته في عينه: "ضربت من الانفعال"
هجوم على السوشيال ميديا
وقال "أمين" خلال تقديم برنامجه "آخر النهار" المذاع على فضائية "النهار" مساء اليوم السبت، "غالبا هتهاجم والناس هتشتمني على السوشيال ميديا، ولكن أنا مستغرب من الطريقة اللي بتشجعوا بها منتخب بلدكم بمنطقكم لما يكسب ويبقى كويس فنفرح ونهلل".
وأضاف "ولو اتغلب ومكنش كويس ولو متأهلناش ممكن اتفهم أن الناس تقطع وتشوه وتخلص على الجهاز الفني واللاعيبة مشفتش في حياتي جندي في وسط المعركة وأنا اكسر مقاديفه بالشكل ده، دول كتيبة من الكومندوز فاجي في نصف الحرب وأقوله أنت متنفعش".
تكسير وتقطيع في المنتخب
وتابع متسائلًا "هل ده اللي إحنا عارفينه عن طريقة التشجيع بتعملوا كده مع أنديتكم، شوفوا جماهير الأهلي والزمالك أنت بتشجع الكيان وليس أشخاص وازاي تعملوا كده وأنديتكم وتتخلوا عن منتخبكم من أول ماتش بعد التعادل مع موزبيق وجه التعادل مع غانا".
واستطرد "وبقى التكسير والتقطيع في المنتخب وانتوا ناسين أن اللاعيبة دول بشر وعندهم السوشيال ميديا وأقارب وزوجات ليس له علاقة بالتشجيع ولكن تقطيع وتشويه إحنا بنشجع وقت المكسب بس وهذا ليس له علاقة بالروح الرياضية أو ثقافة التشجيع، مش ده العشم يا مصريين شجع وقاتل وساند لآخر دقيقة خصوصا انك عارف أن هذه اللاعيبة رجالة".