بأغنية "رياح الحياة".. حمزة نمرة يتصدر تريند رقم 1 على يوتيوب

يواصل الفنان حمزة نمرة نجاحته بألبومه الغنائي الجديد «رايق»، حيث تصدرت رابع أغنيات الألبوم «رياح الحياة» تريند يوتيوب الموسيقي، واحتلت المركز الأول في قائمة الأغاني الأكثر استماعًا وتداولًا في مصر خلال 48 ساعة.

المطرب حمزة نمرة
وتخطت أغنية «رياح الحياة» المليون مشاهدة في يومين فقط عبر موقع الفيديوهات الشهير «يوتيوب»، وجاءت كلمات الأغنية للشاعر محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.

ماهي قصة أغنية رياح الحياة ؟
تحدث الفنان حمزة نمرة عن قصة أغنية «رياح الحياة» خلال استضافته ببرنامج «أجمد 7» بإذاعة «نجوم إف إم» بالتزامن مع طرح الأغنية على «اليوتيوب» وقال: «بعتبر أغنية رياح الحياة من أبرز الأغاني اللي موجودة في الألبوم، وهي بتحكي عن قصة حقيقية عن فترة التجاوز ما بعد العلاقات الفاشلة، وتحدثت مع الشاعر محمود فاروق عن فكرة الأغنية وأننا ننفذها بنوع من الطبطبة الذاتية، ومحمود كتب الكلام مرة واحدة وكان بشكل مُتسلسل وكلام بيسلم كلام، ومقدرتش أشيل جمل كتير».

أغنية رياح الحياة

وتابع: «فكرة التجاوز مش بس بتكون في العلاقات العاطفية لا والاجتماعية أيضًا، ولما جيت أنفذ الأغنية لحنتها واتعلقت بيها وبكلماتها، ودائمًا بحرص علي أخذ رأي أصدقاء مقربين مني وأثق في رأيهم منهم زوجتي وأولادي، وهما شاوروا على هذه الأغنية بالذات، ولذلك كنت بحاول أعمل أحسن حاجة فيها عشان تطلع للجمهور بشكل كويس».

أغنية رياح الحياة
كلمات أغنية «رياح الحياة»:-

تهبي يا رياح الحياة
ديمًا بما لا أشتهيه
واللي السنين مقدماه
غير اللي قلت نفسي فيه
يلاقي قلبي فين دواه
واللي أذاه أقرب ما ليه
ده جرح ببعلّم!
وصعب تسكن الآلام
وأخرج من اللي فات سليم
وصعب لمّا اروح أنام
ما أفضلش أراجع القديم
طلع مُكلّف العلام
وخدت درس في الصميم
ولسه بتعلّم
ركز يا قلبي في اللي جاي
وألف شكر للي باع
ما صانش حتى بوء شاي
سلام يا 300 وداع
واللي لقانا ما يساعوش
فخانة الوداع تساع
مشاعرنا مش لعبة
ما تتشغلش باللي فات
خليك يا قلبي في المفيد
كبر لأي ذكريات
ركز وبس في الجديد
لازم تقسّم الخانات
بمين قريب ومين بعيد
الحسبة مش صعبة
فرحت م الساعات ساعات
ودقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكل كوم وكومي كوم
زمن بيرمي إفيهات
وزي عادتي اصوم اصوم
واسد جوعي ذكريات
وافضها سيرة
آخرتها يا زمن عنيد
كله سبق وانا الوحيد
اللي مشيت ورا سراب
واللي بدأت من جديد
الكل شاف اللي وراه
حاسبت انا ع المشاريب
لوحدي كالعادة!
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
أصبر لكل شيء أدان
يا حظ ما تأدن!