أحمد فهمي:" أحمد السبكي لما قرأ أغنية اختياراتي مدمرة حياتي قال وحشة وهنا الزاهد الفيلم قايم عليها "

حل الفنان أحمد فهمي ضيف على برنامج " الحكاية" مع الإعلامي عمرو أديب المذاع عبر شاشة Mbc مصر الفضائية، وتحدث عن فكرة وكواليس فيلم " مستر إكس " الذي يتم عرضه حاليا في دور السينمات.

كيف جاءت فكرة فيلم مستر إكس؟

قال أحمد فهمي:" في البداية كنت بعمل فيلم تاني خالص غيره، وبعدين لقيت فادي دخل عليا وقالي حلو الفيلم ده، قالي فكرة الفيلم، وقولتله الغي الفيلم وأنا هعمل ده، والحمد لله، وأوس أوس أول واحد كان معايا في الشغل، وبدأنا في تجميع أبطال العمل ".

وتابع أحمد فهمي:" الحاجات اللي بشتغل عليها مش بحب أنزل اسمي عليها، في مؤلف وفي فكرة لمين، ولازم أتكلم مع المؤلف، وعايز أشكر محمد السبكي، علشان مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدًا، ويبقى نقلة لينا كلنا على مستوى الصورة، وطول الوقت بيخاف على الصناعة، ومواقف ضيوف الشرف كلها كتبناها من غير ما نعرف مين اللي هيعملها".
منافسة أفلام العيد الأعلى إيرادات

وأضاف: "أفلام العيد كلها كانت كبيرة وأول مرة يحصل في العيد، ولو في فيلم واخد إيرادات كبيرة لازم تعرف واخد كام شاشة عرض، تامر حسني نجم كبير وعلى راسي، وكريم عبد العزيز، والفيلم لما راح الخليج بياخد نفس قاعات العرض، وتقدر تقول مين جاب أكتر ولا أقل".

وتابع: "لما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات، وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير".
أهمية هنا الزاهد في فيلم مستر إكس

وأضاف: "في لغة بنتكلم فيها أنا وهنا بنغير أول حرف ونحط س، وهي بتعرف تقول الإفيه بوزنه، وبتقوله زي الولاد عادي، وصوت مش لايق على الشكل، تلاقي باربي بصوت علي الشريف، والفيلم قايم عليها".
صعوبات فيلم مستر إكس

وأوضح: "بضايق من الناس اللي تقولك بقالي كتير بعمل دراما فتعبت وهريح شوية بحاجة كوميدي بالعكس الكوميدي أصعب ، أحمد السبكي لما قرأ أغنية اختياراتي مدمرة حياتي قال وحشة".