بلاش محشي.. ياسمين عز توجه رسالة لمتابعيها خلال المصيف

حرصت الإعلامية ياسمين عز علي توجيه رسالة لمتابعات برنامجها "كلام الناس"، الذي يتم عرضة عبر قناة MBC مصر، تتعلق بموسم المصايف والرحلات.

ياسمبن عز توجه رسالة لمتابعيها بموسم الصيف

وقالت ياسمين عز: "مدام حضرتك مسافرة تصيفي يومين، ليه واخدة معاكي حلة ورق العنب؟".



وأضافت: "قلنا بانيه متبل بالبيض والبقسماط وهيقلب ريحة عربية فرعونك ماشي، نقدر نفهم إنك خايفة على الولاد وعلى جيب جوزك، لكن هتجيبي منين شوربة تسقي بيها المحشي، والمحشي بمرقة الدجاج مش صحي وطعمة مش حلو".

وتابعت: "هتعملي المحشي بمرقة دجاج فرعونك هيزعل وإنت تقفشي وتتخانقوا، وبدل ما تقضوا وقت ظريف المصيف يتحول لمأساة".

واختتمت ياسمين عز رسالتها قائلة: "كلوا المحشي بالهنا والشفا قبل ما تسافري، أو خليها في الفريزر لما ترجعوا من السفر تلاقوا حاجة جاهزة، لكن بلاش حلة ورق العنب وأي نوع محشي وإنت مسافرة المصيف".

ومن ناحية أخري ظهرت ياسمين عز وهي تقوم بتعليم متابعينها كيفية إرتداء الحجاب، مما جعلها تتعرض للإنتقادات عبر مواقع السوشيال ميديا.

أجابت الإعلامية ياسمين عز، عن سؤال "أنتي جايه تعلمينا نعمل لفات طرح من سنة 2005؟"، حيث قامت بعمل فقرة لارتداء لفات طرح فى إحدي حلقاتها ببرنامج "كلام الناس" المذاع عبر فضائية "mbc masr"، قائلة: "إنه بعد النجاح الهائل والمنقطع النظير لفقرة لفات الطرح والحجاب الذى قمت به منذ فترة، كنت وعدتكم أننا سنقوم بفقرة عن الجيبات الجينز، اللي رجعت موضتها تاني".

ياسمين عز: عارفني ما دام وعدت لازم أوفي

وأضافت الإعلامية ياسمين عز: "عارفني ما دام وعدت لازم أوفي، بمناسبة فقرة لفات الطرح أنا هعملكوا النهاردة الجيبات الجينز، وهعمل كدا علشان البنات اللي بيلبسوها وللي حطينها فى الرف بقالهم 15 سنة تطلعها وتلبسها توفيرا وأنها موضة فى أكبر المحلات، وكنت لسة مسافرة خارج مصر محل ماركة كبيرة منزل جيبة جينز فاتحة من قدام".
وتابعت الإعلامية ياسمين عز: "استوقفني تعليق لمدام فاضلة فيما يخص فقرة لفات الطرح بتقولي فيه إنتي جاية تعلمينا لفات طرح من 2005، بصي يا يا طنط أنا فى 2005 كنت فى المدرسة قاعدة لابسة شرابي أو كور اللي كنتي بتلبسيهم لبنتك علشان أنا أد بنتك، وباكل سندوتش الفينو بالجبنة الرومي أو جبنة بالخيار والزيتون، ومكنتش أعرف أني هطلع مذيعة أعملك لفة حجاب فى 2023 وتيجي تتريقي، أنا فى 2005 كنت بلبس مريلة".