تامر عاشور: كسبت فلوس أكثر كمطرب وليس كملحن

حل النجم تامر عاشور ضيفا على برنامج "حبر سري" مع الإعلامية أسما إبراهيم، والذي يعرض عبر قناة "القاهرة والناس".

وصرح عاشور، بأن الغناء له عائد مادي أكثر من التلحين حيث قال: "كسبت فلوس اكتر كمطرب طبعًا، ودي ليها أجر ودي أجر وأكيد فلوس التلحين قوية جدًا ولكن فلوس الغناء اكتر، وأنا بحب الألحان وبلحن من زمان بس عمري مافكرت فيها ماديا".

تعليق تامر عاشور على تسريب أغانيه في بداية مشواره الفني


وقال: "انا كنت بلحن وبغني في نفس الوقت واتسربلي أغاني وقتها ونجحت جدًا زي "ذكريات كدابة" وبعدها على طول وقعت مع شركو إنتاج وعملت البومات وبقيت الحن وانا بغني".

وأكمل "إللي سرب أغانيا حد خدمني لإنه كان سبب في دخولي عالم الغنى، وأولى أغانية التي تم تسريبها هى أغنية "ذكريات كدابة"
تامر عاشور يوضح سبب عدم وجود أغنية خليجية له حتى الأن

كما علق عاشور على عدم وجود أغنية له باللهجه الخليجية رغم نجاحه بدول الخليج حيث قال "عشان الوقت اللي نجحت فيه في الخليج نجحت بالاغاني المصرية والناس حبيتني كده".

وأكمل "لكن طبعًا نفسي أعمل أغنية خليجية بس الاقي حاجه لايقة عليا، ولما بسافر الخليج بغني تسلم أكنها خليجية".

آخر أعمال تامر عاشور

وكانت أخر أعمال عاشور هى أغنية "بحبك وخايف" التي تم طرحها منذ أشهر وتحديدًا في أواخر يناير 2023 وهي كلمات محمد شافعي، ومن ألحان إسلام رفعت، وإنتاج صالح ياسر.
كلمات الأغنية

بحبك وخايف نقرب نضيع
بحبك وعارف بإنه استحالة
بحبك وآسف خدتني الجلالة
انا وانت حالة رفضها الجميع.
بحبك بقولها وجوايا حرب
بقولها ف ضميري أجي انطقها صعب
ده موقف مصيري بيعملي رعب.
ف رعشة ايديا هتلاقيها حيه
ف قلبي الخجول طب اقرا الرسايل
هتلاقيني قايل
بإني بحبك.
ما بين السطور دي واضحة ف كلامي
وباينه ف سلامي يا كل اهتمامي
وأكبر همومي بخاف يوم ما أقولها متلعبش دورها تموت من جذورها
بحبك وساكت مبجيبش سيرة بحبك وفاهم دي كلمة تقيلة
ولو حتى هي تبانلك عادية شوفها بعنيا تبان مستحيلة.