بعد اتهامه له بشراء موسيقى جاهزة.. ويجز يرد على عمرو مصطفى (تفاصيل)

تعرض المطرب الراب المصرى ويجز لهجوم حاد من المحلن عمرو مصطفي الذي وجه إليه اتهامات في مداخلة هاتفية مع الإعلامية جيهان عبدالله في برنامج «أجمد 7» بإذاعة «نجوم إف إم»، وصرح عمرو برأيه في موسيقي الجيل الجديد مشيرًا إلي شراء ويجز وغيره من الشباب للموسيقي الجاهزة بمقابل مادي، كما عبر عن رأيه فى دور المُوزع الذي أصبح يتلاشى تدريجيًا في الموسيقى الحديثة.
أبرز تصريحات عمرو مصطفى
وجه المطرب عمرو مصطفى اتهامات ل ويجز وغيره من المطربين الشباب في مداخلة هاتفية بإذاعة «نجوم إف إم» وقال: «علي فكرة ويجز وكل الشباب اللي طالعة كلهم بيشتروا موسيقي جاهزة ب 100 دولار والموزع دوره مش موجود في الأغاني».

واستكمل حديثه في المدخلة عن تفاصيل ألبومه الجديد وقال: «أنا حاليًا شغال على ألبومي الجديد واللي هينزل خلال فصل الصيف الجاي، الأغاني الجديدة كانت متبقية من الألبوم اللي فات، وقررت يوم وقفة عيد الفطر طرحها في ميني ألبوم، لأن الناس محتاجة جرعات أغاني جديدة، الأغنية الأولي من الألبوم "مالوش زي" تركيبة موسيقية مختلفة».
وأضاف عمرو في حديثه عن أبرز أعماله في شهر رمضان قائلًا: «شاركت في ألحان أغاني مسلسل جت سليمة للفنانة دنيا سمير غانم اللي اتعرض في شهر رمضان، وكلها كانت تريند الحمد لله».
الرد الأول من ويجز علي هجوم عمرو مصطفي
ورد ويجز علي الإتهامات في ستوري عبر صفحته بموقع تبادل الصور والفيديوهات «إنستجرام»، ونشر صورة له مزينة بأسماء الموزعين الذين تعاون معهم، وقال: «أحب أشكر كل الرجالة اللي تعاونت معايا في أغاني هذه الحقبة».

مولوتوف يرد على اتهامات عمرو مصطفي
ورد الموزع مولوتوف على تصريحات عمرو مصطفي نظرًا لتعاونه مع "ويجز" بالتوزيع الموسيقي الخاص بعدد من أشهر أغانيه وذلك عبر الاستوري الخاص به على «انستجرام».
وكتب: «مبدئيًا أنا هتكلم عن الأغاني اللي أنا عملتها لويجز وهي دورك جاي، بالسلامة، أسياد البلد، وبما أن أنا الموزع بتاعها أحب أقول للأستاذ عمرو مصطفي إن الأغاني معمول فيها توزيع وهندسة صوت وتلحين وشغل بمستوى عالمي».
وتابع: «وبتاخد وقت ومجهود وتفكير كبير جدًا من كل الأطراف المشتركة فيها والموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا ف أنا لم أتقاضى أي أجر على الأعمال دي لأن فيه اتفاقات بصورة تانية».
واختتم قائلًا: «وفي النهاية احنا بنشكرك على اهتمامك بس ياريت تتحرى الدقة قبل نشر أي معلومات وشكرًا».
تفاصيل ألبوم عمرو مصطفي الجديد
يستعد المطرب عمرو مصطفى لطرح أحدث ألبومته الغنائية «مالوش زي»، ويضم الألبوم 6 أغاني وهم: مالوش زي، تيجي تيجي، غيرك مين، كان عنده حق، عايشين بالصورة، هحكيلك قدام.
وطرح عمرو أحدث أغاني الألبوم «مالوش زي» في عيد الفطر عبر قناته الرسمية بموقع الفيديوهات الشهير يوتيوب، وحققت نجاحًا كبيرًا، وهي من كلمات مصطفي ناصر، وألحان وتوزيع عمرو مصطفي.


بعض كلمات الأغنية:-
ماشوفتوش حبي ليه قد ايه
ده اللي اسيب عمري أنا بين ايديه
ده لو غاب عليا ثانية قلبي عني يغيب
وايه لزوم كلامي لو ماكنش كله عليه
ماشوفتوش حبي ليه قد ايه
ده اللي اسيب عمري أنا بين ايديه
ماشوفتوش حبي ليه قد ايه
ده اللي اسيب عمري أنا بين ايديه

لو الناس دي نور ده شمس ونهار
قمر وفجماله ماعندوش هزار
دقيقتين معاه بايام الدنيا دي
بايني اتعلقت بيه
هعوز بعده في عمري ايه