هبة مجدي: "المداح 3" تعبني نفسيًا.. وكنت بحلم بكوابيس مرعبة (خاص)

انتهى فريق عمل مسلسل "المداح أسطورة العشق" اليوم من تصوير الجزء الثالث عن طريق إقامة حفل صغير للاحتفال بذلك الحدث بحضور أبطاله، وخلال الحفل التقى "الفجر الفني" ب الفنانة هبة مجدي وصرحت خلال اللقاء بأكثر من تصريح يخص دورها وعن كواليس المسلسل أيضًا.


هبة مجدي تتحدث عن ردود الأفعال

مبسوطة بردود الأفعال وآراء الجمهور لأن كده المسلسل له صدى كبير وسمع مع كل الناس وسعيدة بالممثلين إلى بالمسلسل وكنت بصور الحلقات وأنا متحمسة جدا وفي ضغط نفسي على شخصيتي بسبب شخصية رحاب خاصة بعد ما ابنها اتخطف وده كان صعب جدًا على أي أم، والأم لما تبقي والده وتعبانه وعندها احساس بالخوف والقلق ده بيعملها ضغط نفسي ومبتبقاش على طبيعتها ف فجأة لقت ناس بتقولها ده مش ابنك وناس حواليها بتموت والموضوع كان مرعب أوي وصعب أنه يوصل من خلال التمثيل.

هبة مجدي تعلق على مشاركة يسرا اللوزي في المداح

وعلقت الفنانة هبة مجدي ضاحكة على منافسة الفنان يسرا اللوزي التي تقوم بدور تاج وتحب صابر زوجها قائلة: "أنا بقعد اشوف مشاهدي أنا وهي وبقول هو ازاي سكتلها ازاي مشمرتش ايديا وخدتها من شعرها، وعلى فكرة أنا في الحقيقة بسكت لإني هادية أوي غير المسلسل خالص فمش عارفة ممكن أعمل ايه"

وتابعت قائلة: "أنا بحب الأكشن جدًا على فكرة وساعة اما خبطت محمد عز بالازازة اليوم ده أنا ايديا اتعورت بالفازة ونفسي أعمل أدوار أكشن كتير لأني بعملها وان شوت يعني لقطة واحدة وخلاص ومبكرروش وحتى في المشاهد دي أستاذ أحمد بيتبسط مني أوي"
هبة مجدي تتحدث عن الجن والروحانيات

تحدثت هبة عن عالم الجن: "أنا بخاف وعمري ما قريت في حاجات الجن والأجنبي بيبقى مجرد خيال وأحنا بنخاف لأننا بندخل في المود إنما إلى بنتكلم فيه ده واقع وموجود ومحتاجين يبقي إيماننا قوي ونستعيذ بالله من الشياطين الرجيم دايمًا عشان الحاجات دي أكبر مننا".

وأردفت: "الأيام إلى فاتت مكنتش بنام كويس وبيجيلي كوابيس وخلصت مشاهدي وأنا تعبانة نفسيًا وأتمنى أخد أجازه وبعدها أروح لحاجة كوميدي أو غنا لأن المداح كان صعب أوي عليا ومحتاج تركيز مني".

تفاصيل مسلسل المداح

يشارك في مسلسل المداح 3 أسطورة العشق العديد من الفنانين، منهم: هبة مجدي، حمادة هلال، محمد رياض، خالد سرحان، دنيا عبد العزيز، محمد عز، يسرا اللوزي، خالد زكي، لوسي، أحمد ماهر، تامر شلتوت، حنان سليمان، صبحي خليل، عفاف رشاد، هلا السعيد، هايدي رفعت، بسمة ماهر، محمود عامر، عبير فاروق، سلمى أبو ضيف، عبد العزيزمخيون، أحمد كشك، محمد مهران، أحمد بدير، وائل ترك، حمادة مجدي، كنزي هلال، عصام السقا، والمسلسل من تأيف وليد أبو المجد وأمين جمال، وتحت قيادة المخرج أحمد سمير فرج.