فريدة سيف النصر تفجر مفاجآت عن أدوارها في "جعفر العمدة" و"عملة نادرة".. وتؤكد: "النجاح مش بالأسماء بأنت معلم مع الناس إزاي"

صنعت الفنانة القديرة فريدة سيف النصر تاريخ حافلا في عالم التمثيل، تميزت باختيار أدواره بعناية شديدة، فتمتلك قدرة خاصة على التنوع بين الشخصيات التي تقدمه، مما يجعل جمهورها ينتظر ظهورها أمام الكاميرا.
وقد شاركت النجمة فريدة سيف النصر في السباق الرمضاني لعام 2023، من خلال مسلسل جعفر العمدة برفقة نجم الشاشة محمد رمضان، ومسلسل عملة نادرة بجانب النجمة نيللي كريم، وقدمت في كل عمل منهم شخصية مختلفة عما قدمتها في وقت سابق، لذلك حرصت جريدة الفجر الإلكترونية على التواصل معاها، للكشف كواليس العمل، وجاء نص الحوار على النحو التالى:
فريدة سيف النصر
كيف جاء ترشيحك لمسلسل جعفر العمدة؟
-ترشيحي لمسلسل جعفر العمدة عن طريق المخرج محمد سامي، والانتاج كلمني من الصيف اللي فات وبلغوني أن سامي عايزني، وقولت ما دام هو اللي كاتب يبقي دور كبير ولكن لقيت دوري اني ضيفة شرف، اتقبلت مع محمد سامي في أول لقاء بنا، وقولته أنا بحب محمد رمضان ومش بحب ارفدله حاجة، وبحب محمد سامي من خلال مي عمر وهي إنسانية جميلة واشتغلنا مع بعض، ومش دائما الناس اللي بتسمع تصدق اللي بيتقال، ولما سالت سامي لية اخترتني للدور قالي "عشان انتي واحدة محترمة نفسك ومتهزقتيش وليكي تقل في دخلتك"، ومكنتش فاهمة وجه نظره ولكن هو كان شايف مواصفات معينة لأنه هو اللي كاتب الشخصية ولقاها فيا، ومكنتش اتوقع نجاح الشخصية، وطبعا أنا كسبت محمد سامي وكل العاملين في المسلسل، ومحمد رمضان حبيبي سوء الناس رديت أو لم ترضي.
حدثينا عن كواليس العمل مع نجوم مسلسل جعفر العمدة؟
a href="/4658510" title="بعد إشادة الجمهور بأدائها في " عملة نادرة" و"جعفر العمدة".. فريدة سيف النصر: آرائكم تاج على راسي"
بعد إشادة الجمهور بأدائها في "عملة نادرة" و"جعفر العمدة".. فريدة سيف النصر: آرائكم تاج على راسي
انتي ازاي بقيتي كده!.. فريدة سيف النصر تشيد ببراعة روجينا في "ستهم"
a href="/4653327" title="فريدة سيف النصر: " عملة نادرة" مسلسل يخطف القلب.. ونيللي كريم فنانة مبدعة (حوار)"
فريدة سيف النصر: "عملة نادرة" مسلسل يخطف القلب.. ونيللي كريم فنانة مبدعة (حوار)
-كواليس العمل فل، أي حاجة بتتسمع هي إشاعات، وكل الممثلين هايلين موجودين في مكانهم المناسب، وهالة صدقي مقدمة دور بشكل جديد، ونجومية محمد رمضان النور بتاعه بيشبع الناس، مع توجيهات محمد سامي عن الشخصيات اللي كاتبه، وازواج محمد رمضان الأربعة كلهم أفضل من بعض، ومحمد سامي مخرج ذكي، وأنا بنتي لاما بنت الراحل إسماعيل كوت كوت وأمل رزق وهي ممتازة، وأحمد داش كان لسا طفل من كام سنة ودلوقتي بقي موهوب، ومحدش نور كده جنب محمد رمضان، وفي كيمياء بين محمد رمضان ومحمد سامي.
ماذا كان شعورك حينما قراءتي السيناريو وعلمتي انك ستقدمي دور راقصة؟
-أنا مبيفرقش معايا أنا هقدم أي، بيفرق معايا أنا هعمل أي، والشخصيات دي موجودة في الحياة، وأنا قدمت دور رقاصة قبل كده وكان ليها ظروف، وقدمت حاجات استعراضية كتير من رقص وغناء وأنا مش رقاصة، وأنا بشوف الجوانب الإنسانية للشخصية، ولبست حاجات مش خليعة، ومحمد سامي غير خط الشخصية عشاني، وفريدة ليها شخصية بترتبط بالشخصية اللي بتلبسها، وحتى أنا مرقصتش لان احنا في رمضان كنت بعمل حركات بس بايدي، وعجبتني جملة "انت يا واد يا زبون هات ايدك"، وعلقت مع الناس جدا وبقت تريند لمدة تلت أيام، وأنا فعلا مكنتش قادرة انزل على السلم لاني في كاميرا في تصوير مسلسل عملة نادرة وقعت علي رجلي، وهتعالج بعد انتهاء التصوير، والحلو هنا أن الناس مستنية منك أن أي كلمة تقوليه، وده قالتهولي صابرين، والحمدلله دي محبة وثقة، وأنا مبستخفش بعقل الجمهور ومش ماشية بحب الم فلوس، وكل أعمالي بقيسها علي كده لو ملقتش اني مش هعمل بصمة يبقي ملهاش لازمة "ولله حساب أخرى".
فريدة سيف النصر من مسلسل جعفر العمدة
هل توقعاتي أن تعلق جملة "حاجات اي يا ابو حاجات "مع الجمهور؟
-لا لم اتوقع أي شي، حتى لم اتوقع نجاح الدور، لأني دائما بشتغل وأسيب الباقي على ربنا، وربنا بينور النور علي اللي قلبه منور، وربنا بيحاسب على النية والقلوب.
مشهد من مسلسل جعفر العمدة
هل كنتي متخوفة من عدم نجاح شخصيتك في جعفر العمدة؟
-اطلاقًا، عمري ما خفت من حاجة، انا اللي في قلبي علي لساني، أنا ست في حالي جدًا وعمري ما اذيت حد، وسواء الدور هنا أو في عملة نادرة المخرج هو اللي اصر عليا برضو، ولا أعرف السوق بيشتغل في ايه انا كل سنة بيجيلي شغلي لحد عندي والدور اللي ربنا بيبعتهولي هو اللي بينجح، دايمًا بقول الملايكة بتطبخ فوق عند ربنا وبيبعته لكل واحد طبقة والرضا هو اللي بيوصل للنجاح فمكنتش خايفة من جعفر العمدة أنا بعمل شغلي وبصرف عليه اكتر ماباخد وبعدين بمشي حتي مبتكلمش في الاسماء أو الكلام ده أنا مبتكلمش في حاجة وبتفاجئ بعد العرض أن اصحاب العمل هما اللي بيغيروا وهما اللي بيبروزو، مكانك بيتبدل بعملك مش بالخناقات والمشاكل، فالبنسبالي أحسن حاجة في الحياة أسيب كل حاجة علي الله.
رغم نجاح مسلسل جعفر العمدة.. إلا أن العمل مازال يتعرض للانتقادات بسبب مشاهد الضرب فما رأيك في هذه الانتقادات؟
-والله انتقادات مش في محلها، حضرتك لو نازلة ماشية في الشارع كدة والناس صايمين ومش طايقين بعض كلوا بيضرب في بعض ده أنا بنزل من العربية اسلك خناقات ومبيهمنيش لأن دول ولاد بلدي وناسي، ده انا بتخانق حتي مع اللي يضرب كلب أو حمار أو حصان. وهما بيمثلو الواقع الدنيا كلها فيها خناقات والاعمال الفنية من زمان وفيها ضرب، ده العيال اللي هما عاملين فيها مامي وبابي وكدة دلوقتي بيشحبو عشان يبانو عيال جدعة فبيقلدو الحاجات دي الموجودة في الشارع، فهما بيجسدو الواقع.
كيف ترى أزمة ترتيب اسم داش ومنة فضالي على التتر؟
-ده كلام فاضي، منة عملت أدوار وحاجات كتير ومحبوبة ومجتهدة جدًا، وداش شاب جميل ومجهتد جدًا، فهي مش بالاسماء هي ب أنت معلم مع الناس ازاي ولازم تستمر عشان تقدر تقول اسمي فين ومش أنت اللي هتحطه المنتج اللي هيحطه والناس لوحدها بترتبك، أنت ممكن تتحط في آخر التتر بس الناس تحط نمبر وان ومحمد رمضان قدامكو مثل.
كيف جاء ترشيحك لمسلسل عملة نادرة؟
a href="/4652336" title="فريدة سيف النصر عن دورها في " جعفر العمدة" :"مدتلوش حقه" "
فريدة سيف النصر عن دورها في "جعفر العمدة":"مدتلوش حقه"
a href="/4653327" title="فريدة سيف النصر: " عملة نادرة" مسلسل يخطف القلب.. ونيللي كريم فنانة مبدعة (حوار)"
فريدة سيف النصر: "عملة نادرة" مسلسل يخطف القلب.. ونيللي كريم فنانة مبدعة (حوار)
انتي ازاي بقيتي كده!.. فريدة سيف النصر تشيد ببراعة روجينا في "ستهم"
-الاستاذ محمد العدل هو اللي اصر عليا وانا مكنتش أعرف حاجة واتفاجأت الانتاج الاستاذ هاني عبدالله والاستاذ مدحت والاستاذ محمد بيكلموني ومكنتش أعرف أي حاجة عن الشخصية وكنت بشتغل بتوجيهات الاستاذ محمد وخلي وشي بس اللي باين ومن غير نقطة ميكب وخلي الناس تبص علي اللي جوايا اكتر.
هل واجهتي صعوبات أثناء التحضير وتصوير مسلسل عملة نادرة؟
- يعني حاجات بسيطة وأكبر صعوبات كانت المشوار كأنك رايحة إسكندرية رايح جاي، وبالنسبة للملابس أول مرة في حياتي اسيب غادة وفيق تلبسني أو أي حد يلبسني بس المرة دي كنت محتارة وهما كانو عارفين ودارسين هيعملو ايه.
فريدة سيف النصر
ما رأيك في التعاون مع شركة العدل جروب؟
-العدل جروب اخواتي من زمان بس مشتغلتش قبل كدة معاهم خالص لكن من قبل ما يبقوا في الفن ناس محترمة وبتفهم وعندهم تواضع واخلاق وأدب، والمخرج محمد العدل بيحترم الممثل ومفيش أي الفاظ بايخة وتعاملوا مع الفنانين كويس وحتى المساعدين ناس جمال جدًا وسعيدة بالتعامل معاهم وهزعل عشان هنخلص المسلسل.
ما هي الرسالة التي تحبي أن توجيه إلى صناع مسلسل عملة نادرة؟
- ربنا يوفقكوا، ودايمًا تقدمو أعمال مهمة مع ناس مهمة وانتو ناس محترمة وبتحترمو عقلية المشاهد، وأنا سعيدة جدًا اني اتعاملت معاكم رغم إنه ا اتأخرت، لأننا نعرف بعض من بدري جدًا وبحبهم جدًا على المستوى الشخصي وفكرة اني بشتغل النهاردة تحت قيادة ابن من ابنائنا فدي حاجة تفرح اكيد.
ما هي الأدوار التي تحبي تقديمها خلال الفترة المقبلة؟
-أحب اللي ربنا يبعتهولى، يكفيني أن محمد رمضان عليا يخش عليا ويقولي يا وش الخير والسعد.
هل تفضلي الظهور في برامج المقالب؟
-مفيش حاجة اسمها كدة، بيجيلك برنامج وانتي بتعملي ولو قصدك علي رامز فانا اقسم بالله ماعرف انو بيعمل حاجة من الحاجات دي، وفضلت اعالج عنيا من التراب بعد برنامج رامز، وهو انسان لذيذ ومهذب وكل الناس بتروح البرامج وهتشتغل عادي ليه لا يعنى احنا هنستعبط!.
متى تعودين إلى السينما؟
-عملت فيلم وندمت وجالي فيلم تاني اسمه "مربع برمودا"، واكيد أما يجي شغل كويس هعمل سينما أن شاء الله بس في حجم أفلامنا اللي عملناها، وكان في كلمة بتضايقني جدًا كانو بيقولو علي أفلامنا واللي بيظهر فيها معايا اسعاد يونس وسعيد صالح وسمير غانم ووحيد سيف ونجاح الموجي ويونس شلبي فكانو بيقولو عليها أفلام مقاولات، ناس مش لاقية حاجة تقولوها فانا الحمدلله سعيدة وراضية، وفي مكانة كويسة جدا بالنسبة لسني وتاريخي وده غير المسرح طبعا اللي كان حوار تاني لوحده.