"كنت ومازلت أقرب صديق لي".. أشرف عبد الباقي يحيي ذكرى وفاة علاء ولي الدين ال 20

حرص الفنان أشرف عبد الباقي على إحياء ذكرى وفاة الفنان الراحل علاء ولي الدين، وذلك من خلال حسابه الرسمي على موقع تبادل الصور والفيديوهات "إنستجرام".
منشور أشرف عبد الباقي
ونشر أشرف عبد الباقي صوره للفنان علاء ولي الدين وعلق عليها قائلًا:"ربنا يرحمك ياعلاء.. زي النهاردة من عشرين سنة اتوفي علاء ربنا يرحمه ويغفرله يارب وبرغم ان فات عشرين سنة علي وفاته لكنه كان ومازال أقرب صديق ليا".

وتابع:" أول مرة اطلع عمرة كان معاه واحنا رايحين الكعبة قاللي بص في الأرض لغاية مانوصل والكعبة تبقي باينة واقولك بص وادعي ويمكن الحكاية دي بقيت اعملها مع أي حد يعمل عمرة لأول مرة وادعي لعلاء".

أشرف عبد الباقي عن علاء ولي الدين:" كان كريم ومضياف جدًا وعلاقتنا كانت اكتر من اخوات"

وأضاف:" في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر.. علاقتنا كانت اكتر من اخوات ومن خلاله كنت بشوف باقي اصحابنا لإنه كان كريم جدًا ومضياف جدًا وفي بيته.. كنت بحس اني في بيتي وان والدته الله يرحمها زي والدتي اللي اتوفت وانا في سن صغير وخالد اخوه الله يرحمه.. ومعتز ربنا يكرمه ويخليه لاولاده زي اخواتي وقت ماكنت احس اني متضايق اروحله اتكلم معاه وارتاح ماكانش يعدي يوم الإ لما نتقابل أو نتكلم في التليفون نعرف أخبار بعض".
واختتم حديثه قائلا":"وصادف ان يوم وفاته كان أول يوم عيد الأضحى وبعد ماوقف على الأضحية اتوفى وكنا على ميعاد يومها في المسرح لعرض مسرحية لما بابا ينام اللي انتهت بوفاته.. ربنا يرحمك ياعلاء ويصبر أهلك واصحابك اللي أكيد مادام عرفوك عمرهم ماهينسوك".
وفاة علاء ولي الدين
وتوفى علاء ولي الدين عن عمر يناهز التاسعة والثلاثون أثر مضاعفات السكري الذي كان يعاني منه.