رسالة مؤثرة .. أشرف عبد الباقي يحيي ذكرى رحيل علاء ولي الدين

شارك الفنان أشرف عبد الباقي، جمهوره ومتابعيه بصورة للنجم الراحل علاء ولي الدين، عبر حسابه الرسمي على موقع تبادل الصور والفيديوهات الشهير"انستجرام".
اقرأ ايضًا..أشرف عبدالباقي ملك البحث رغم مرور أيام على شائعة وفاته
وعلق أشرف عبد الباقي على الصورة قائلًا:" ربنا يرحمك ياعلاء، زي النهاردة من عشرين سنة اتوفي علاء ربنا يرحمه ويغفرله يارب وبرغم ان فات عشرين سنة علي وفاته لكنه كان ومازال اقرب صديق ليا.
View this post on Instagram
A post shared by Ashraf Abdel Baky (@ashrafabdilbaky)
وأضاف:" اول مرة اطلع عمرة كان معاه واحنا رايحين الكعبة قاللي بص في الارض لغاية مانوصل والكعبة تبقي باينة واقوللك بص وادعي ويمكن الحكاية دي بقيت اعملها مع اي حد يعمل عمرة لأول مرة وادعي لعلاء.
وتابع:" في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر علاقتنا كانت اكتر من اخوات ومن خلاله كنت بشوف باقي اصحابنا لانه كان كريم جدا ومضياف جدا.
وأكمل:" وفي بيته كنت بحس اني في بيتي وان والدته الله يرحمها زي والدتي اللي اتوفت وانا في سن صغير وخالد اخوه الله يرحمه ومعتز ربنا يكرمه ويخليه لاولاده زي اخواتي وقت ماكنت احس اني متضايق اروحله اتكلم معاه وارتاح ماكانش يعدي يوم الا لما نتقابل اونتكلم في التليفون نعرف اخبار بعض.
وأسترد:" صادف ان يوم وفاته كان اول يوم عيد الاضحى وبعد ماوقف علي الاضحية اتوفي وكنا علي ميعاد يومها في المسرح لعرض مسرحية لما بابا ينام اللي انتهت بوفاته.
وأختتم:" ربنا يرحمك ياعلاء ويصبر اهلك واصحابك اللي اكيد مادام عرفوك عمرهم ماهينسوك.
لمزيد من اخبار الفن..اضغط هنا