بسمة وهبة تدافع عن حسام حبيب: مش مدمن لكن عنده حاجة بتخليه يزعل شيرين

دافعت الإعلامية بسمة وهبة عن الفنان حسام حبيب مؤكدة أن قل ما يقال عنه غير صحيح، قالت في لقاء مع et بالعربي: " حسام حبيب مش زي ما الناس فاكرة، وأنا لو حسام يسمحلي أتكلم أنا عارفة قصته وهو فيه إيه بالظبط بس مقدرش أتكلم لأني مأخدتش إذنه، حسام ممكن يكون عنده شيء يخليه يتصرف تصرفات ويزعل شيرين، لكن حسام مش مدمن ولا بيتعاطى ".

بسمة وهبة

وتابعت بسمة وهبة حديثها عن شيرين عبد الوهاب: "مش بحب أحكي ولا أنشر علاقاتي بالناس، عندي لشيرين فويس نوت علشان أنزلها في البرنامج لكن مرضتش لأنه مش هيضيف ليها هو هيضيف ليا أنا، وشيرين مجني عليها وضحية هي إنسانة طيبة جدا".

بسمة وهبة: شرين عبد الوهاب طول الوقت عاوزة عكاز

وأكملت بسمة متحدثة عن شيرين: "هي محتاجة تبعد عن مصر فترة من الوقت وتستنشق هواء جديد، تعيش في بلد سنة هي مشكلتها المهدئات والمنومات اللي كانت بتاخدها، وأنا مشفتش منها أكتر من كده ومليش دعوة باللي الناس بتقوله، هي محتاجة تعيد حساباتها وأنها تاخد قرارتها بنفسها هي عندها حالة من الخوف بتخليها دايما عاوزة حد جنبها سواء صديقة أو مديرة أعمال أو زوج، طول الوقت عاوزة عكاز".

بسمة وهبة

وأضافت بسمة وهبة: "أنا زعلانة من شقيق شيرين ووالدتها مش في اللي عملوه لكن في اللي قالوه، هفترض أن الكلام دا حقيقي دي نجمة الوطن العربي إزاي أكشفها بالطريقة دي أنا اعترض، شيرين بنت مصر ومينفعش نجمة مصرية يتقال عليها كده".

تصريحات حسام حبيب ببرنامج "الحكاية"

ومن ناحية أخري، كان الفنان حسام حبيب أجرى مداخلة هاتقية طويلة لبرنامج "الحكاية" الذي يقدمه الإعلامي عمرو أديب عبر شاشة "MBC مصر" للرد على الاتهامات التي طالته في الفترة الماضية في أزمته مع طليقته النجمة شيرين عبد الوهاب.

حسام حبيب وشرين عبد الوهاب

وأكد حسام أنه كان على علم بإدمان شيرين منذ فترة وخيرها بين الاستمرار في الإدمان أو خضوعها للعلاج واستمرار زواجهما، وقال: "مليش علاقة بالموضوع وهو ده كان سبب خلافنا، خيرتها بيني وبين المخدرات، ولكنها ظلت في نفس الوسط، ورفضت السماع لنصيحتي وهذا سبب طلاقنا".
وأضاف حسام حبيب: "بيقولوا إن أنا السبب في اللي شيرين فيه، يبقى المفروض إني ابقى زيها، أنا أهلي عندهم أكبر المستشفيات، هيسيبوني يعني كدة؟ أغلب مشكلاتي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي".
وأكد حسام حبيب أنه سعى أثناء زواجهما لعلاج شيرين من الإدمان، وقال: "لكن منهم لله اللي خدوها دخلوها في سكة تانية أوحش، عشان كدة أنا كنت معترض ومش ممتلك زمام الأمور، مين يصاحبك ومين يدخل، فكان وجودي مالوش لازمة".

والد حسام حبيب وشرين عبد الوهاب

والد حسام حبيب يعلق على تصريحات ابنه

كما علق حسين حبيب والد حسام حبيب على تصريحاته وكان له رأيا آخر، وكتب حسين حبيب في منشور عبر حسابه بموقع Facebook: "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين ويراعوا البنات بعد عمر طويل، ودي صلة رحم، وغير كده يزرع العداوة بين الأهل".

والد حسام حبيب: الكل طلع كسبان يا قاطع صلة الرحم وعاصي أبوك

وتابع والد حسام حبيب: "إنت كده مش بتحافظ على مال زوجتك، إنت بتخالف شرع ربنا والنتيجة إنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".

شرين عبد الوهاب

وأضاف حبيب: "هو ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، ياناوي على قوتي ياناوي على موتي، الزوج يتعوض الأم والأخ ما يتعوضوش، كلمة حق لوجه الله، والدين النصيحة".
والجدير بالذكر ان شيرين عبد الوهاب تتواجد في إحدى المستشفيات للعلاج من الإدمان، وكشف مصدر مقرب من الفنانة في تصريحات صحفية ان شيرين لم تكن تعاني من إصابة بقطع في الرباط الصليبي كما تردد مؤخرا، بل تم إيداعها في مصحة نفسية بمنطقة مصر الجديدة بعد تعرضها لاضطرابات نفسيه حادة.