"عوض الكام سنة اللي اتحرمنا فيهم منك".. هكذا رد محمد هنيدي على بهاء سلطان

بعد أن مازح الفنان الكبير والكوميديان محمد هنيدي الفنان والمطرب بهاء سلطان عن البوستر الدعائي والرسمي لأغنيته الجديدة "دلوقتي عجبناكو" واستبدل هنيدي صورة بهاء بصورته، أشار الفنان بهاء سلطان بعدها إلى فرحته بهذا المزاح.

رسالة بهاء سلطان لهنيدي بعد استبداله صور البوستر الدعائي لأغنية "دلوقتي عجبناكو"
رد الفنان بهاء سلطان على مزاح الفنان محمد هنيدي قائلا: "أنا بشكره والله العظيم على راسي، ربنا يخلي حضرتك يا أستاذ محمد، أنا ليا الشرف، أنا مبسوط إن الحاجات دي وصلت له" وتفاعل معه الجمهور بكل حب ومزاح هو الآخر.


محمد هنيدي يمازح بهاء سلطان

"عايزينك تعوضهم لينا وتكسر الدنيا".. هنيدي يرد على بهاء سلطان

بعد أن وجه الفنان بهاء سلطان رده على الفنان محمد هنيدي قام الفنان محمد هنيدي بنشر منشور خاص ردا على بهاء سلطان وكان ذلك عبر الصفحة الرسمية له على موقع التواصل الاجتماعي "فيسبوك" قائلا: "يا بهاء يا حبيبي احنا اللي لينا الشرف.. أنت علامة من علامات مصر وصوت وموهبة وأداء مافيش زيه، ومحبة حطها ربنا في قلوب الناس ليك سواء صغير أو كبير، وإن شاء الله الكام سنة اللي اتحرمنا فيهم منك عايزينك تعوضهم لينا وتكسر الدنيا أكتر وأكتر"، وتفاعل معه جمهوره ومتابعيه بكثرة خلال دقائق من عرض هذا المنشور فالجمهور يعشق هذين النجمين فكل منهما نجمة ساطعه في عالمه الفني ومشواره الحافل بالنجاحات الباهظة.
البوستر الدعائي الرسمي
بهاء سلطان يتصدر التريند بالسعودية ومن ثم مصر
تصدر الفنان بهاء سلطان تريند جوجل ويوتيوب وجميع مواقع التواصل الإجتماعي خلال الأيام الماضية منذ طرحه لأغنيته الجديدة "دلوقتي عجبناكو" حيث لاقت الأغنية تفاعلا كبيرا من جمهوره بمصر والسعودية وغيرها، وتفاعل معها الفنانين أيضا حيث نشرت الفنانة فيفي عبده فيديو لها وهي تهنئ الفنان بهاء سلطان بأغنيته الجديدة عبر حسابها الشخصي بموقع تبادل الصور والفيديوهات انستجرام، حيث نجحت الأغنية في تخطي حاجز المليون ونصف مشاهدة خلال ساعات من طرحها عبر يوتيوب، وذلك لأن بهاء سلطان يتميز بصوته العذب والهادئ الذي يحبه جميع محبي الموسيقى.
بهاء سلطان وأحدث ما طرحه الفترة الماضية
طرح الفنان والمطرب بهاء سلطان أغنيته الجديدة "دلوقتي عجبناكو" والتي حققت نجاحا كبيرا وملايين المشاهدات عبر المنصات الموسيقية ولاقت تفاعلا كبيرا.

طاقم عمل أغنية "دلوقتي عجبناكو"

أغنية "دلوقتي عجبناكو" من كلمات منة القيعي، وألحان عزيز الشافعي، توزيع أحمد عادل، ميكس ماهر صلاح، ماستر جلال حمداوي، والأغنية من إنتاج شركة روتانا.
كلمات أغنية "دلوقتي عجبناكو" لبهاء سلطان
دلوقتي عجبناكوا.. ما كنا حلوين ومعاكوا.. فجأة الشوق أهو جابكوا.. طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.
دلوقتي بقينا فلة.. ده إنتوا كسرتوا ورانا قلة..ومشينا وسيبناها على الله.
كده فجأة وجعناكوا..!!
عارفين أيوه قسينا.. نفشنا ورانا رمينا.
دنيا بنت لذينة.. يوم سلف.. يوم دين
والله مش ندية.. ولاعند ولا أذية.
أصل المواضيع ديا.. خلصت من سنتين.
دلوقتي إتقدرنا.. ده إحنا ياما إتكدرنا.
يلا قدركم وقدرنا..تيجوا بعد ما ننساكوا.
دلوقتي عجبناكوا...؟
ما كنا حلوين.. ومعاكوا..!!
فجأة الشوق أهو جابكوا..طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.
البوستر الدعائي الرسمي للأغنية