قريبا.. تعاون غنائي جديد يجمع إيهاب توفيق وعزيز الشافعي

كشف الملحن عزيز الشافعي في خلال لقاء صحفي قصير له عن تعاون جديد يجمعه بالفنان والمطرب إيهاب توفيق.
حيث نشر الملحن عزيز الشافعي على حسابه الشخصي بموقع تبادل الصور والفيديوهات انستجرام فيديو هذا اللقاء وعلق عليه قائلا: "حوار صحفي قصير وردود سريعة عن عمرو دياب، نصر محروس، نبيلة عبيد، سعد لمجرد، بهاء سلطان، دنيا سمير غانم، أحمد فهمي، إيهاب توفيق".

عزيز الشافعي وحالة النشاط والتريند خلال الفترة الماضية
يعيش الملحن عزيز الشافعي حالة من النشاط في التلحين وتصدر التريند بالأغاني التي يلحنها للفنانين والمطربين خلال الفترة الماضية ولعل آخرها أغنية "دلوقتي عجبناكو" للفنان والمطرب بهاء سلطان والتي حققت نجاحا كبيرا منذ طرحها وحققت ملايين المشاهدات وتصدرت تريند محرك البحث الشهير "جوجل" بالسعودية ومصر والوطن العربي.
عزيز الشافعي
طاقم عمل أغنية "دلوقتي عجبناكو" ل بهاء سلطان

أغنية "دلوقتي عجبناكو" من كلمات منة القيعي، وألحان عزيز الشافعي، توزيع أحمد عادل، ميكس ماهر صلاح، ماستر جلال حمداوي، والأغنية من إنتاج شركة روتانا.
كلمات أغنية "دلوقتي عجبناكو" لبهاء سلطان
دلوقتي عجبناكوا.. ما كنا حلوين ومعاكوا.. فجأة الشوق أهو جابكوا.. طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.
دلوقتي بقينا فلة.. ده إنتوا كسرتوا ورانا قلة..ومشينا وسيبناها على الله.
كده فجأة وجعناكوا..!!
عارفين أيوه قسينا.. نفشنا ورانا رمينا.
دنيا بنت لذينة.. يوم سلف.. يوم دين
والله مش ندية.. ولاعند ولا أذية.
أصل المواضيع ديا.. خلصت من سنتين.
دلوقتي إتقدرنا.. ده إحنا ياما إتكدرنا.
يلا قدركم وقدرنا..تيجوا بعد ما ننساكوا.
دلوقتي عجبناكوا...؟
ما كنا حلوين.. ومعاكوا..!!
فجأة الشوق أهو جابكوا..طب أيه كان مشاكوا؟
أيوه إحنا أحلوينا.. لاء وكمان بقينا صعب يخش علينا كلمة ودمعتين.
كنا زمان حاجة تانية.. غلب وطيبة الدنيا.
كنا بنيجي في ثانية.. كنتوا ساعتها فين.

أغاني أخرى كانت من توقيع عزيز الشافعي أو ألحانه وتصدرت تريند "جوجل"

احتفل الملحن عزيز الشافعي الفترة الماضية كثيرا عبر حسابه الشخصي بموقع تبادل الصور والفيديوهات انستجرام بعدد من الأغاني التي قام بتلحينها وحققت نجاحا كبيرا وكان من بينهم أغنية "نحنوح" للفنانة والمطربة دنيا سمير غانم، وهذه الأغنية تم طرحها أولا على منصة تيك توك وحققت أكثر من 6 مليون مشاهدة عليه منذ أن تم نشرها، ثم طرحت على موقع الفيديوهات الشهير يوتيوب وحققت أكثر من 146 ألف مشاهدة وأكثر من 10 آلاف إعجاب خلال الساعات الأولى، وأغنية "كرباج" لسميرة سعيد، أغنية "الحلق" للفنان سعد لمجرد، أغنية "عالجرار" للفنان أحمد سعد، أغنية "نمت ننة" للفنانة روبي، أغنية "خطير خطير" للفنان أحمد جمال، أغنية "يستاهل بوستين" للفنان رامي جمال وغيرهم كثير.
عزيز الشافعي

طاقم عمل أغنية "نحنوح"

كلمات عليم، وألحان عزيز الشافعي، توزيع احمد عادل، تسجيل ومكساج وماستر هاني محروس، جيتار مصطفى أصلان، طبلة احمد عيادي، صولو كيبورد محمود شاهي.
كلمات أغنية "نحنوح" لدنيا سمير غانم

كله بيبدأ نحنوح
بعدها كل ده بيروح
كله بيضحك علي كله طول ما الموضوع لسة جديد
أنا سينجل من غير ليه
و المرتبطين خدوا إيه
غير بس دموع فركشة ورجوع
غير كام آهه وتنهيد
أصل انا مش هعرف أعيش محبوسة عشان قال متضايقين
ولا عمري هغير وهقول لك الننوسة دي تطلع مين
بشهادة الكل الحب بيخلص بعد تلات ايام
جاي انت عايز تقنعني انك هتعيشلي سنين وسنين
ياخي هأ هأ لا لا لأ لأ
ياخي هأ هأ هأ لا لا لا لا لا
أنا طول الوقت دماغي مش فيا
وخلقي ساعات بيضيق
معلش ماليش في الحب بتاعكوا ولا في جو التلزيق
انا واحدة صريحة وخدها نصيحة بدل نشفان الريق
أصل انا مش هعرف أعيش محبوسة عشان قال متضايقين
ولا عمري هغير وهقول لك الننوسة دي تطلع مين
بشهادة الكل الحب بيخلص بعد تلات ايام
جاي انت عايز تقنعني انك هتعيشلي سنين وسنين
ياخي هأ هأ لا لا لأ لأ
ياخي هأ هأ هأ لا لا لا لا لا
كله بيبدأ نحنوح
بعدها كل ده بيروح
كله بيضحك علي كله طول ما الموضوع لسة جديد
أنا سينجل من غير ليه
و المرتبطين خدوا إيه
غير بس دموع فركشة ورجوع
غير كام آهه وتنهيد
ياخي هأ هأ لا لا لأ لأ
ياخي هأ هأ هأ لا لا لا لا لا