قصة المهندس وزوجته.. حكاية خيانة في "عز الظهر" (صور)

"قصة المهندس وزوجته أو قصة المهندس ومراته" كما يحلو لك أن تطلق عليها، فهي أحد الموضوعات الشائكة التي كشفت صفحات السوشيال ميديا النقاب عنها خلال الساعات الماضية.

قصة المهندس وزوجته
وتزايدت عمليات البحث عن قصة المهندس وزوجته أو قصة المهندس ومراته خلال الساعات الأخيرة بعد أن كشف أحد الكتاب النقاب عن قصة المهندس وزوجته الخائنة، بالتزامن مع تفاعل رواد السوشيال ميديا معها بين التصديق والتكذيب.

بداية قصة المهندس وزوجته
وظهرت قصة المهندس وزوجته على السوشيال ميديا، عندما نشر الكاتب أحمد أبو الفتوح للقطات شاشة توثق حديثه عبر تطبيق "واتس اب" مع شاب يعمل مهندس مدني، وذلك عبر تطبيق "فيس بوك"، كشفت عن واقعة خيانة للشاب من زوجته بشكل متكرر ودفعته للتفكير في الانتحار.
قصة المهندس ومراته
وروى الشاب المهندس قصته مع زوجته قائلا: "أنا مهندس مدني، دفعة 2004، ومتزوج من 2008 وعندي ولد وبنت، والدنيا كانت كويسة لحد من كام سنة الشركة اللي كنت شغال فيها صفت، وقعدت 4 شهور من غير شغل، بعدها قبلت بشغل بمرتب صغير، وحضرتك عارف وضع السوق والمرتبات".

قصة المهندس وزوجته
وتابع: "لما الحال اتغير مراتي كمان اتغيرت وبقت عصبية جدا، وصوتها بيعلي عليا حتى قدام الأولاد، وعلى طول بترمي كلام يوجع القلب، إني مش مكفيهم وإني زي العواطلية، وأنا كنت مدخل الأولاد مدرسة خاصة سعرها حنين، بس ما بقتش قادر على مصاريف المدرسة والدروس والسبلايز والباص، وأنا أكبر مرتب أخدته من 2017 كان 7 آلاف جنيه فسحبت ملفاتهم علشان أحولهم مدارس حكومي".

قصة المهندس وزوجته

خناقة بين المهندس ومراته
وواصل الشاب: "عملت خناقة كبيرة، وقلت ألم الدور علشان الأولاد، وكنت بتجاوز عن كلام جارح كتير علشان الأولاد، لحد ما طلبت الطلاق، قلتلها نجيب اللي كانوا قاعدين القعدة اللي اتقدمت فيها ليكي من أهلي وأهلك ونحكمهم لأن اللي بتعمليه ما يرضيش ربنا، وافقت وحضر أبوها وعمها وأخواتها الاثنين ومن عندي أخويا الكبير وعمي لأن والدي متوفي، أبوها كتر خيره قالي: "زعلان من بنتنا في إيه وأنا هجيب لك حقك منها" -هو راجل طيب وأهلها كويسين الله يباركلهم-فقولت أقدره: فقولته معلش يا حاج خليها هي اللي زعلانة مني خليها هي اللي تتكلم وأنا اللي في مقدرتي هعمله".
قصة المهندس وزوجته
وتابع: "في القعدة زوجتي قالت لو مش راجل وقد فتح بيت ما كانش فتحته من الأول.. والله يا دكتور قلبي انكسر كسرة عمري ما حسيت بيها في حياتي، ورحمة أبويا سمعت صوت طقطة شعري، وتمنيت الأرض تنشق وتبلعني.. مفوقتش إلا على صوت القلم، أخوها الكبير ما استحملش إهانتها لي فقام ضربها، وقالها: جايبنا تفضي تربيتنا ليك"، وروحت حايشه بعيد عنها وقولت له دي على ذمتي ما لكش تضربها ولولا أبوك قاعد كان ليه تصرف تاني".
قصة المهندس وزوجته
ورد شقيق الزوجة: "مراتك ما اتربتش وحطت روسنا في الطين واحنا محقوقين ليك، وسيبني أربيها من جديد، لكني رفضت أي حد يمد إيده عليها وقولتهم هنحل الحوار بيني وبينها والدنيا انتهت على كدا يوميها".
قصة المهندس وزوجته
وتابعت: "بعدها ما بقتش تتكلم عن الطلاق ولا إنها تغضب لأنها بقت عارفة أهلها في صفي وخافت تنضرب تاني، بس بقت على طول تحسسني إنها عايشة معي غصب عني، وما بقتش بتخليني أقرب منها، وبتقعد بالساعات على موبايلها، لحد ما جت فترة لاحظت حاجات غريبة، تحط مكياج وتقفل على نفسها وبعد كام ساعة تخرج وتمسحه، قولتها بتحطيه ليه: "قالت لنفسي إنت مالك".
قصة المهندس وزوجته
واستطرد: "شكيت فيها وقررت أفتش موبايلها وأشوف هي بتعمل ايه، هي نومها تقيل، فخليتها نايمة وفتحت التليفون ببصمتها، وخرجت أقلب في الفيس والواتس والحاجات التانية، لقيتها مشتركة في جروب ستات وكاتبة حاجات كتير تعيب فيه وإنها قاعدة معايا غصب عنها وعاوز تتطلق، والتعليقات كلها كفريه لحد ما يطلقك إلخ.. فقولت لازم أنهي الشك اللي في دماغي".
قصة المهندس وزوجته

خيانة بين المهندس وزوجته
وأردف: "يوم الجمعة خرجت وقت الصلاة عادي، ومروحتش الجامع وقلت هطب عليها، وأشوف بتعمل ايه من ورايا وهي مش مدايني خوانة وما كانتش قافلة عليها الباب، دخلت لاقيتها ارتبكت ووقعت الموبايل من إيديها، وجريت على التليفون وهي جريت على برا ولاقيتها كانت بتكلم شاب على التليفون مكالمة فيديو وهو قفل وعملها بلوك".
قصة المهندس وزوجته
وأكمل: "لاقيت بينهم كلام وصور عمري ما تخيلت تقوله، دمي حمي وجريت جبت سكينة من المطبخ، لاقيت مستخبية في أوضة البنات وقافلة على نفسها، وخدت التلفيون وطلعت على أخوها اللي ساكن خمس دقائق مني وقولته أختك بتخوني، وكانت كلمت خطيبها بالتليفون الأرضي يمسح المحادثة وقلبت الطربيزة عليه".

قصة المهندس وزوجته

نهاية قصة المهندس وزوجته
واختتم: "اتصل أخوها بأخوها الثاني، وقالوها تلم حاجتها، وعلموا محضر بإني تعديت عليها وشرعت في قتلها، ورفعت عليه قضية واتطلقت ورفعت دعوى تمكين مسكن، وجابت ناس بددوا العفش، وفتحت قضية تانية واتحبست 6 شهور، وبعت اللي ورايا واللي قدامي على التعويضات والمحاكم، وحياتي ادمرت وحرمتني من ولادي وما بقاش فيه حد راضي يشغلني، حتي فرد أمن والناس بعدت عني، وما بقاش فيه حاجة أعيش علشانها".