لهذا السبب.. رامي صبري يحتفل مع جمهوره

احتفل الفنان رامي صبري مع جمهوره بتحقيق وتخطي أحدث أغانيه "أنتي جنان" ال 5 مليون مشاهدة ونشر جزء منها وكتب: "إنتي جنان تتخطي حاجز ال5 مليون مشاهدة على اليوتيوب وترند للأسبوع الرابع على التوالي".
كلمات أغنية "أنتي جنان "
كله عادي إلا إنت شمس طالعة
كله حلو إلا إنت بس روعة
شكلي وقعت فيكي أوبس إوعى
معدية وفوق
إنت قمر وسط ليل هادي
إنت جو مود جميل وصافي
جمالك متفصل مش عادي
مليانة رقة وذوق
لاء ده إنت جنان
شمس ورسمها فنان
العيون عربية كمان
إيه بقى مش كده عقلي أنا هيطير
عينيكي بتجر
من بصة شدت قلبي اتجر
جمال رباني لاء، لاء مش سحر
ملفتة نجمة في وسط الجماهير
لاء ده إنت جنان
شمس ورسمها فنان
العيون عربية كمان
إيه بقى مش كده عقلي أنا هيطير
عينيكي بتجر
من بصة شدت قلبي اتجر
جمال رباني لاء، لاء مش سحر
ملفتة نجمة في وسط الجماهير
إنت في الشتاء باريس أوروبا
مودك أحلى من المالديف وأوبا
الجمال ده مش خفيف ده طلقة
إنت جاية منين؟
إنت هواكي يرد الروح صافي
ضحكتك بتخلي الصبح دافي
حبك ده اللي رسيت عليه راسي
هو ده اللي حلمت بيه
لاء ده إنت جنان
شمس ورسمها فنان
العيون عربية كمان
إيه بقى مش كده عقلي أنا هيطير
عينيكي بتجر
من بصة شدت قلبي اتجر
جمال رباني لاء، لاء مش سحر
ملفتة نجمة في وسط الجماهير
لاء، لاء ده إنت جنان
شمس ورسمها فنان
العيون عربية كمان
إيه بقى مش كده عقلي أنا هيطير
عينيكي بتجر
من بصة شدت قلبي اتجر
جمال رباني لاء، لاء مش سحر
ملفتة نجمة في وسط الجماهير
كله عادي إلا إنت شمس طالعة
إنت، إنت، إنت
إنت قمر وسط ليل هادي
إنت قمر وسط ليل هادي
إنت جو مود جميل وصافي
جمالك متفصل مش عادي
مليانة رقة وذوق
قال، قال، قال بتجر
(لاء، لاء مش سحر (كله عادي
لاء، لاء ده إنت جنان
(لاء، لاء ده إنت جنان (كله عادي
رامي صبري يرد على الإنتقادات ل "أنتي جنان"
رد الفنان رامي صبري على الإنتقادات التي توجهت له عقب طرح أحدث أغانيه التي تحمل عنوان "أنتي جنان"، ورد من خلال حسابه على فيس بوك
حيث أنها نشر صورته وعلق عليها قائلًا: "حبايبي مساء الفل عليكم
انا عارف ان اغلبيه الاغاني اللي بنزلها بتبقي غريبه عليكم وعلي اللي متعودين عليه مني . ولكن انا شخص بيحب التطوير في الشغل يعني عمرك ما هتسمع مني اغنيه شبه التانيه ابدا وده تميزي بين الاخرين .
وتابع: "اغنيه انتي جنان اغنيه جديده عن المسموع تماما من حيث الكلمه واللحن والmusic بتاعتها توزيع (جلال الحمداوي) وده موزع مغربي عربي عالمي .
المقصود ان انت جاي هنا تسمع حاجه ( مختلفه)".
وأضاف:"وجديده عمري ماهقدر اسمك قديم عايز قديم عندك مغنيين كتير اوي واحسن مني كمان . ولكن صدقني انا من الفنانين المتجددين وليس من الفنانين اللي بينزلو اغاني جديده فقط".
واختمم حديثه قائلاً: "اغنيه انتي جنان اغنيه جمبله اغنيه صيفيه مبهجه افرحو واتبسطو بيها وبلاش انتقادات وخلاص، ملحوظه ليه كتبت البوست ده ؟ علشان اللي مش فاهم يفهم مين بيعمل ايه رامي صبري".
آخر أعمال رامي صبري
طرح الفنان رامي صبري أحدث أغانيه بعنوان "ولسة ياما" منذ فترة عبر قناه الرسمية على "يوتيوب" وهي أغنية تحمل الطابع الدرامي ومختلفة اختلاف جذري عن أغنية "أنتي جنان" التي طرحها من فتره، الأغنية من كلمات تامر حسين وألحان عزيز الشافعي وميكس ماستر أسامة الهادي.