رامي جمال يكشف عن سبب دعمه للمطرب النقاش ويرد على منتقديه (فيديو)

كشف الفنان رامي جمال عن سبب اهتمامه ودعمه بالمطرب النقاش أحمد سالم، مُشيرًا إلى أنه يسعى للإرتقاء بالذوق العام، وأنه يحاول مساعدته لتحقيق حلمه، وذلك من خلال حسابه الشخصي على موقع تبادل الصور والفيديوهات "إنستجرام".
رامي جمال
رامي جمال عن دعم الجمهور للمطرب النقاش: فرحان جدًا إن مازال الصوت الحلو والفن الحقيقي الناس بتحبه وبتدعمه

نشر رامي جمال مقطع فيديو جديد له، أعرب فيه عن سعادته الكبيرة تجاه الدعم الذي وجده المطرب النقاش أحمد سالم من الجمهور على السوشيال ميديا، حيث قال: "أولا أزيكوا، ثانيًا عاوز اتكلم عن حاجة مهمة جدًا علشان أنا شايف القبول اللي ربنا كاتبه للفنان أحمد سالم أحمد فنان بدرجة مشوفتهاش في حياتي بصراحة مرتين تلاتة، أنا شايف القبول اللي ربنا كتبه والحب اللي انتوا حبينهوله دي حاجة مبتحصلش كل يوم، فرحان جدًا جدًا إن مازال الصوت الحلو والفن الحقيقي الناس بتحبه وبتدعمه، في ناس كتير فرحانة وبتقولي شكرًا إنك بتهتم إنك بتساعد أحمد".

رامي جمال عن دعمه للمطرب النقاش:بساعد نفسي للإرتقاء بالذوق العام وكلنا أسباب لبعض

وعن سبب اهتمامه بالمطرب النقاش أحمد سالم، فأكد رامي جمال أنه يفعل ذلك للإرتقاء بالذوق العام، مُتابعًا:" أنا مش بساعد أحمد، أنا بساعد نفسي كفنان وكملحن وكمطرب إن الوسط الفني لما يبقى في أصوات زي أحمد دي حاجة بترقى بالذوق العام، دي حاجة كلنا محتاجنها جدًا، ثانيًا أنا اتربيت في بيت أهلى إن الفرصة لما بتيجي لحد بتبان إن ربنا اللي باعتها، إحنا كلنا أسباب لبعض، يعني ممكن أنا أحاول أسهل على أحمد مشواره في الفن ودي حاجة بالنسبالي قمة في السعادة".
رامي جمال
رامي جمال يرد على منتقدي دعمه لأحمد سالم من أجل التريند : مش شخصيتي
ورد رامي جمال على الانتقادات التي وجهت له بأنه يفعل ذلك من أجل التريند، مُشيراً إلى أن ذلك ليست شخصيته، حيث قال :" عمرها ما كانت شخصيتي ولا هتبقى شخصيتي، مافيش حد ضامن وهو بيعمل حاجة ونيته مش صافيه إنها في الآخر هتوصله للنتيجة اللي هو عاوزها، والله بطمنكم كلكم الفرصة جايلكم، والرزق من ربنا بميعاد، ولو ربنا سخرني لأحمد وسخر الجمهور إنه في إنه يبقى حابب أحمد دلوقتى ويساعد أحمد، فرصكوا كلها جاية".

View this post on Instagram
A post shared by Ramy Gamal (@ramygamalmusic)