بعد تصريحاته في حبر سرى ..تامر عاشور ل عمرو مصطفى :"عمرو دياب هو اللي قدمك للناس

علق المطرب تامر عاشور على تصريحات الملحن عمرو مصطفى فى برنامج "حبر سرى" بعدما قال أن عامر منيب وعادل عمر هم من قدموه للجمهور وأنه سيجعل مطربي مصر يعتزلوا الغناء من خلال منشورا قام به عبر حسابه الشخصي على موقع "فيسبوك".

قال :"النجاح يعني اعمال مش كتر كلام واقول هعمل واسوي وعايش اتريق على ده وده بقالي سنين ، التاريخ جميل مفيش شك بس بيعتمد ع الوقت يعني نقيم اللي شغالين دلوقتي لما يقعدوا نفس الزمن اللي انت قعدته ونشوف ، لكن تقييم دلوقتي اسمه جهل ب التاريخ ، أ-ب ملحن يعني لازم مطرب يغني اللحن ده والا مكنتش هتبقى ملحن المطرب الاول ينجح بعد كده الملحن ينجح طبعا مفيش كلام والملحن ف حتته والمطرب ف حتته كل نجاح مختلف عن التاني ، ونادر عبد الله اعماله كلها ناجحه و شاعر كبير قوي قوي قوي كلامه تقيل كلامه خفيف نبقى نوزن ونشوف لكن نبذه عن اعمال نادر التقيله " اواخر الشتا اليسا - تسلم - كلموها عني - اخر مقابله -تصدق بمين اليسا - بطمنك شيرين - اخيرا اتجرأت شيرين - ريحه الحبايب عمرو دياب - خلينا نشوفك عمرو دياب -واضرب ف 200 على نفس المستوى بس البوست مش هيكفي تاريخه .

تابع :" بس هو مش بتاع بروبجاندا بس ، ومحمد رحيم مش محتاج حد يفرحه اكيد ده بابا يا عموره دراسه ومزيكا وحاجه تشرف يعني وتعطل قدامه جدا بمعمل الكيميا اللي بتتكلم عنه ده والهامي دهيمه موزع اغنيه "قولوله سماح" فنان كبير هو وادهم اخوه ومش هاجيب سيره عمرو دياب كتير بس هو الڤاترينه اللي قدمتك للناس ب "خليك فاكرني " سنه 99 يعني كان عندك 13 سنه حسب كلامك مع الإعلامية اسما إبراهيم .

ختم :"مش عامر منيب اللي قدمك عامر فعلا ليه فضل على كل الناس وانا منهم بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل اسم من دول نلاقي اعمال تخض وتاريخ يزعلك شخصيا مش برامج وتخبيط وهخليهم يعتزلوا ومحدش بينجح والكلام العجيب ده وف الاخر تقولي مصر !! ما تطلع تتكلم كويس على فنانين مصر طيب ،، وقصه نبضات القلب بتاعت الاغاني دي بلح ، وهنغير الذوق العام هتغير الذوق العام ، ب ايه هتغير الذوق العام وماله اصلا الذوق العام ، هو علشان بقى في حاجات بتنجح مش انت اللي عاملها بقى الذوق وحش !! بالتخبيط ف ناس تاريخ ووجه مصر حقيقي هتغير الذوق العام !! روح ادي اغنيه العالم الله دي لأي حد غير عمرو دياب مكانتش هتوصل للعالمية اللي انت فرحان بيها هي اغنيه تملي معاك محققتش عالميه ؟ اكتر اغنيه لعمرو دياب وصلت للعالميه هي تملي معاك الحان "شريف تاج" مش الحانك كلمات احمد علي موسى - السر ف عمرو دياب صدقني والدليل ان كل اغانيك مع اي حد غير عمرو زيها زي باقي الاغاني ولا راحت عالميه ولا حاجه ودة مينقصش من فنك ولا موهبتك ومش عيب احنا ثقافه وجمهور كبير والعالم كله بيجي دلوقتي يعمل ف عالمنا أغاني وحفلات "متستقلش " وكلامي على عمرو مصطفى.