تامر عاشور ل عمرو مصطفى: التقييم دلوقتي اسمه جهل

دافع الفنان تامر عاشور، عن صُناع الأغاني بعد الهجوم عليهم من عمرو مصطفى أثناء استضافته في برنامج حبر سري.

كتب تامر عاشور، من خلال صفحته الرسمية على "الفيسبوك": "النجاح يعني اعمال مش كتر كلام واقول هعمل واسوي وعايش اتريق على ده وده بقالي سنين - التاريخ جميل مفيش شك بس بيعتمد ع الوقت يعني نقيم اللي شغالين دلوقتي لما يقعدوا نفس الزمن اللي انت قعدته ونشوف - لكن تقييم دلوقتي اسمه جهل ب التاريخ".
بتكره النجاح لغيرك.. أول تعليق من الموزع إلهامي دهيمة بعد اتهامات عمرو مصطفى
عمرو مصطفى: مش هكمل مع حد يقلل من موسيقتي وتعاملت مع ناس كتير "خبيثة"
وتابع فائلاً: "أ-ب ملحن يعني لازم مطرب يغني اللحن ده والا مكنتش هتبقى ملحن المطرب الاول ينجح بعد كده الملحن ينجح طبعا مفيش كلام والملحن ف حتته والمطرب ف حتته كل نجاح مختلف عن التاني - ونادر عبد الله اعماله كلها ناجحه و شاعر كبير قوي قوي قوي كلامه تقيل كلامه خفيف نبقى نوزن ونشوف لكن نبذه عن اعمال نادر التقيله " اواخر الشتا اليسا - تسلم - كلموها عني - اخر مقابله -تصدق بمين اليسا - بطمنك شيرين - اخيرا اتجرأت شيرين - ريحه الحبايب عمرو دياب - خلينا نشوفك عمرو دياب -واضرب ف 200 على نفس المستوى بس البوست مش هيكفي تاريخه - بس هو مش بتاع بروبجاندا بس".

كما أضاف:" ومحمد رحيم مش محتاج حد يفرحه اكيد ده بابا يا عموره دراسه ومزيكا وحاجه تشرف يعني وتعطل قدامه جدا بمعمل الكيميا اللي بتتكلم عنه ده والهامي دهيمه موزع اغنيه "قولوله سماح" فنان كبير هو وادهم اخوه ومش هاجيب سيره عمرو دياب كتير بس هو الڤاترينه اللي قدمتك للناس ب "خليك فاكرني " سنه 99 يعني كان عندك 13 سنه حسب كلامك مع الاعلاميه اسما ابراهيم - مش عامر منيب اللي قدمك عامر فعلا ليه فضل على كل الناس وانا منهم بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل اسم من دول نلاقي اعمال تخض وتاريخ يزعلك شخصيا مش برامج وتخبيط وهخليهم يعتزلوا ومحدش بينجح والكلام العجيب ده وف الاخر تقولي مصر".

وتابع: "ما تطلع تتكلم كويس على فنانين مصر طيب - وقصه نبضات القلب بتاعت الاغاني دي بلح - وهنغير الذوق العام هتغير الذوق العام - ب ايه هتغير الذوق العام وماله اصلا الذوق العام - هو علشان بقى في حاجات بتنجح مش انت اللي عاملها بقى الذوق وحش !! بالتخبيط ف ناس تاريخ ووجه مصر حقيقي هتغير الذوق العام !! روح ادي اغنيه العالم الله دي لأي حد غير عمرو دياب مكانتش هتوصل للعالميه اللي انت فرحان بيها هي اغنيه تملي معاك محققتش عالميه ؟ اكتر اغنيه لعمرو دياب وصلت للعالميه هي تملي معاك الحان "شريف تاج" مش الحانك كلمات احمد علي موسى".

بينما اختتم حديثه: " السر ف عمرو دياب صدقني والدليل ان كل اغانيك مع اي حد غير عمرو زيها زي باقي الاغاني ولا راحت عالميه ولا حاجه ود مينقصش من فنك ولا موهبتك ومش عيب احنا ثقافه وجمهور كبير والعالم كله بيجي دلوقتي يعمل ف عالمنا اغاني وحفلات "متستقلش " وكلام ي على عمرو مصطفى".

A0A3FB2A-0785-4A13-B085-D721C2714849 BEC310E7-F98D-4B05-89D7-A3A9D4B22A10