هيفاء وهبي تحتفل بانتهاء تصوير "أسود فاتح".. وتوجه شكرا لكريم العدل وصبري فواز

احتفلت الفنانة اللبنانية هيفاء وهبي بالانتهاء من تصوير مسلسلها أسود فاتح وذلك بعدما وجهت رسالة للمخرج المصري كريم العدل مفعمة بالمحبة على تعاونه معها وتوجيهاته ومجهوده لإنجاح المسلسل.
ونشرت هيفا مقطع فيديو بعد انتهاء التصوير وأرفقته بتعليق :"المخرج كريم العدل ...ما في كلام بيوفيك حقك !انا مبسوطة وفخورة اننا اشتغلنا مع بعض ، واني كنت تحت اشرافك الاحترافي! ما بنساك ابدا وانت بقلبي .
وأضافت: هالمسلسل عرفني على شخص صار مهم بحياتي ولاول مرة بتصير معي وبتتحول تجربة عمل لعشرة وارتباط قوي الذ واشطر واهضم واطيب مخرج شفته بحياتي! عشنا 7 شهور مع بعض , بلشنا كفريق عمل مصري، سوري، لبناني وما حدا فينا بيعرف التاني وخلصنا تصوير ونحنا عيلة كبيرة متعلقة ببعض بطريقة دافية وسحرية!.
وتابعت: يمكن لانه الوقت الصعب والحلو الي قطعنا فيه كان فيه كل شي، تعبنا سوا واكلنا سوا وجعنا سوا وضحكنا سوا ونعسنا سوا بردنا كتير سوا وشوبنا كتير سوا! كل الناس تعبت واجتهدت، كلهم محترمين ومحترفين لدرجة مش عادية، اتعرفت على ممثلين رائعين صعب الواحد ينسى المواقف معهم ، قديه الواحد فعلا بيكون فايته كتير لما هيك ناس ما يكونوا بحياته.
وأردفت: اذا بدي احكي بدي اكتب كتير لأعبر قديه انا متأثرة اني اتعرفت عليكم وانه انتهت الايام الي كنت شوفكم فيها كل يوم انا محظوظة اني مرقت بهالتجربة معكم.
واختتمت: شُكرا" استاذ صادق الصباح على ثقتك و احتواءك و طيبة أخلاقك شُكرا" انور الصباح لكرمك وتفهمك شكرا" هيثم حسني لانك رائع ومبدع واتحملت كتير والاهم دلع الاسبريسو شكرا" كرو التصوير على تعبكم وسهركم بودي رح اشتاق لما كانوا بندهولك على صوت عالي بوووودييي شكرا" يا نانسي يا صديقة قلبي من جوا شكرا" امين جمال اسود فاتح قصة حقيقية بتحكي الواقع من خيالك الخلاق الي عرفني على "رانيا" بطلة قصتك!.
من جانب آخر؛ شاركت هيفا محبيها بمنشور آخر ونشرت صورة لها برفقة الممثل صبري فواز وعلقت عليها :"انسان راقي وممثل رهيب! انبسطت كتير بالتمثيل معك أستاذ صبري فواز بحبك كثير على عكس قصتنا بالمسلسل".