عمرو محمود ياسين بعد بكاء مؤمن زكريا.. كان في ناس استحلت التنمر عليه

وجه السنارييت عمرو محمود ياسين، رسالة إلي مؤمن زكريا، بعد ظهوره أمس في مسرحية "علاء الدين" للنجم أحمد عز.
ونشر ياسين، صورة مؤمن زكريا وهو يبكي في أحضان أحمد عز، عبر حسابه الشخصي بموقع التواصل الاجتماعي فيسبوك قائلا "في جمهور كتير النهارده بعد صورة مؤمن زكريا مع احمد عز بيدعيله و متعاطف معاه اهلاوية و زمالكوية".
وأضاف "من الجمهور ده هتلاقي من وسطهم اعداد كبيره جدا قبل كده استحلت سب مؤمن واستحلت التنمر عليه هو وغيره من الشخصيات العامه. ..بيصل السب الي مرحلة توجيه الاهانات بالأب و الأم .. واحيانا الخوض في العرض".
وتابع "طيب امتي نعرف أن الحياه مش مستاهله و ان محدش يستحق اننا نهينه و نجرحه قوي كده لمجرد انه معروف او عمله بيعرض ع الناس
امتي نفرق بين النقد والاهانه.
الانسان مخلوق ضعيف جدا والله مهما بلغت قوته وشهرته "اكيد في ناس جلدها تخين واكيد في ناس مجرمه. بس مش دول طبعا اللي بتكلم عنهم".
وأختتم حديثه قائلا" انا بلفت نظر نفسي و نظركم ان من الضرورة دايما نحاول ان نستبدل بداخلنا طاقة الكراهية بطاقة الحب وان نغلب احساس الرضا، ع احساس الحقد و الحسد .. كلنا غلابة والله .. وبجد الدنيا مش مستاهله. نجبر بخاطر بعض احسن والله .. وشكرا احمد عز ومجدي الهواري على اللفته الانسانيه الطيبه".