حمو بيكا: بتعالج من "معدتي" بسبب شرب المخدرات وبطلتها من 8 سنين (فيديو)

أكد حمو بيكا، مطرب المهرجانات، أمس الثلاثاء الموافق 5/5/2020، أنه كان يتعاطى المخدرات من 8 سنوات، ويناشد الشباب بالابتعاد عنها بسبب أضرارها الكثيرة، قائلًا: "أنا مش بشرب مخدرات خالص واللى يقول يقول، وأنا كنت بشرب وبطلت من 8 سنين وبنصح الشباب يبطلوا لأن أضرارها كتير".
وقال حمو بيكا، خلال حواره ببرنامج "شيخ الحارة والجريئة" مع المخرجة إيناس الدغيدي، والمُذاع على قناة "القاهرة والناس"، أنه عانى كثيرًا من في حياته بسبب المخدرات ولحقت به أضرار صحية جسيمة، مشيرًا أنه يتلقى علاج لمعدته بسبب أضرار المخدرات، ولكن انتبه لحياته بعد الاستفاقة من المخدرات التي كانت يتناولها سابقا.

وأشار حمو بيكا إلى أن أفضل مطرب شعبي بالنسبة له هو "أحمد شيبة" لأنه من الإسكندرية نفس بلده، وأثنى حمو بيكا على نفسه قائلًا: "أنا مش مطرب ولكن مؤدي وعملت أغاني لناس كتيرة قوي، وناس كتير قوي كان نفسها تغني معايا ولسه نفسهم يغنوا معايا، وأنا رحت فنادق ودخلت أفراح قبل شاكوكش وأي حد، والناس بتعشقني وممكن أنزل فرح اتصور مع الناس بس وبأخذ أجر"، واختتم: "أول لما المزيكا بتعتي تحضر في فرح لازم كل الناس تقوم ترقص".

وهاجم حمو بيكا زميله حسن شاكوش بعد انتشار أغانيه في الفترة الأخيرة، قائلًا: "الغرور أكل حسن شاكوش وبقى مش شايف حد وشايف نفسه أنه رقم واحد واللي بيعمله في نفسه غلط، وفي مجالنا محدش رقم واحد"، مؤكدًا أن النجاح الكبير الذي حققه حسن شاكوش سبقه فيه بنجاحات مهرجانات كثيرة.

وأبدى حمو بيكا سعادته بالنجاح الذي حققه حس شاكوش، مضيفًا: "أنا مش بنفسن وعمري ما أنفسن من شاكوش ولو هينجح 100 سنة أنا فرحان إنه ناجح عشان حسيت أنى عملت حاجة"، مؤكدا أن بداية نجاح شاكوش كانت من المشاركة معه في اغانيه وأنه انتج له حوالي 15 أغنية.

وتابع حمو بيكا: "بداية نجاح حسن شاكوش من عندي وأنا أنتجت له أغاني كتير حوالى 15 أغنية وهو كان عنده 5% من الجمهور قبل ما يغني معايا، وصعب شاكوش يتنطط عليا وهو بيتنطط على كل الناس إلا أنا وأنا خط أحمر بالنسبة له".