حمو بيكا يهاجم "حسن شاكوش": "الغرور أكله وبدايه نجاحه من عندي"- فيديو

هاجم مطرب المهرجانات حمو بيكا، زميله حسن شاكوش، بعد انتشار أغانيه في الفترة الأخيرة، قائلا: "الغرور أكل حسن شاكوش وخلاه مش شايف حد وبقى حاسس أنه رقم واحد، واللي بيعمله في نفسه غلط، وفي مجالنا محدش رقم واحد"، مضيفًا: "النجاح الكبير اللي حققه شاكوش أنا عملته قبل ما هو يعمله".
وأضاف "حمو بيكا" في حواره لبرنامج "شيخ الحارة والجريئة" مع المخرجة إيناس الدغيدي، على فضائية "القاهرة والناس" اليوم الثلاثاء: "أنا معتذرتش لحسن شاكوش زي ما بيقول لكني عملت فيديو لايف، وقلت للناس أننا أخوات واللي داخل بينا خارج، ومفيش بينا حاجة"، موضحًا: "أنا مش بنفسن وعمري ما انفسن من شاكوش ولو هينجح 100 سنة أنا فرحان أنه ناجح عشان حسيت أني عملت حاجة".
وأكد، أن بداية نجاح "شاكوش" كانت في المشاركة معه في أغانيه وأنه انتج له حوالي 15 أغنية، متابعًا: "بداية نجاح حسن شاكوش من عندي وأنا انتجت له أغاني كتير حوالي 15 أغنية وهو كان عنده 5% من الجمهور قبل ما يغني معايا، وصعب شاكوش يتنطط عليا وهو بيتنطط على كل الناس إلا أنا وأنا خط أحمر بالنسبة له".