ما يبكي الرجال

مشكلتي استاذة نيفين من غير ما اطول بختصرها في اني شايفة جوزي ضعيف وشخصية مهزوزة ومش عارفة اقدره من بعد موقف معين وهوة انه بيشتكيلي من جمودي معاه واني مش ببادله كلمات الحب من وقت للتاني وطبعا حضرتك عارفة ان اليوم عايزينله يوم كمان عشان يكفي شغل البيت والاولاد وحل المشاكل .. انا بحبه طبعا لكن الحب او كلمات الحب في اعتقادي يلزملها قاعدة ظريفة مناسبة معينه وقت او موقف مناسب كدة يعني .. المهم كتير هوة حاول ينبهني لكن انا بصراحة استجابتي كانت علي القد والله مافي وقت ولا نفس كمان المهم فضل علي الوضع دة لغاية ما جه يوم انفجر فية وقالي انتي مش عارفة تحسيني انتي مش مقدرة مشاعري تجاهك الحب كل حاجة وفي غيرك يتمنوا راجل يبادلهم المشاعر دي طول الوقت انتي ليه مش بتحاولي تفكري في كلامي وتراجعي نفسك عشان نعيش كويس والكلمة الحلوة تهد اي مشاكل وتهون الحياة ؟ .. بعد الكلمتين دول بكي .ايوة بكي ومن ساعتها وانا مش متصورة ان فيه راجل يبكي ليه دة كله يعني .. ودلوقتي استاذة نيفين ياريت توجهيله كلمة يمكن يعيد التفكير واشكرك
منال
فضفضة
محررة الصفحة .. نيفين حجازي
استاذة منال .. الكلمة اللي المفروض توجه ليكي مش له .. زوجك راجل انسان وعنده كل مشاعر الانسانية اللي رب الكون خلقنا بيها .. وبالعكس انتي تخافي من الانسان اللي الدمعة محجرة جوة عينه ده دليل ربما علي القسوة بلا مبرر .. احنا بشر ويلزمنا من وقت للتاني نفضفض ونخرج اللي جوانا باي طريقة .. وانا شخصيا يبكيني الرجل الذي يبكي هذا يعني الكثير جدا فما يبكي الرجال غير شىء عظيم جدا اطاح بمشاعرهم وجرح قلوبهم كي يبكون ويترجمون الحب الذي عجز عنه الكلام بدمعة .. ما بك انتي لا تقدرين قدر دموعه .. الدمعة معني .. الدمعة مغزي .. الدمعة كلمات تقول الكثير .. الدمعة انفجار حب ومشاعر احيانا .. كيف تعيشين بهذه المفاهيم المغلوطة ربما يكون زوجك محق بنسبة كبيرة .. انتي فعلا متحجرة .. والله ان رآت عيني رجلا يبكي حتي وان كنت لا اعرفه سآذهب راكضة لآطيب خاطره وآسآله عما يوجعه الي هذا الحد .. الرجال جبال .. وما يبكيهم يعني الشروخ والجروح ويعني القيمة العظيمة التي يحملها قلوبهم وخذلتهم الظروف للتعبير عنها فآدمعت عيونهم .. ارجوكي راجعي نفسك كما طلب منكي زوجك قبل ان تدمعي انتي من الندم علي خسارة رجل مثله .. اخبريني .. ما علاقة الرجولة والاحترام والتبجيل بالدموع ؟؟ ما العلاقة .. هل يمكن ان يقولون علي النساء هن اطفال لكونهن يبكون مثل الاطفال ؟ ما شكل نظرتك للانسانية والحياة ؟ سيدتي .. نصيحتي الاخيرة .. الرجل ان صح عقله ومشاعره وضميره ملكتي الكون معه .. وان اتاحت له الظروف ان يهديكي قطعة من السماء لفعل .. حبيبتي ارجوكي افتحي عينيكي وانظري حولك جيدا ستشاهدين المهازل .. انتي في نعمة
[email protected]