مجدي الهواري يوجه رسالة لأبطال مسرحية" 3 أيام في الساحل"

وجه المخرج مجدي الهواري رسالة شكر لفريق عمل مسرحية" 3 أيام فى الساحل"، بمناسبة مرور عامًا على عرضها بمسرح كايرو شو فى مدينة السادس من أكتوبر، وذلك من خلال حسابه الشخصي على موقع الصور والفيديوهات "إنستجرام".
نشر مجدي مجموعة صور من كواليس تصوير المسرحية، وعلق مجدي على الصور قائلاً : "مشاعر متلخبطة، بعد الشكر والحب والذى منه، أحب أقول كلام أول مرة أقوله، وأحب أن حضراتكم تشاركونى لحظة مهمة في حياتي".
وتابع مجدي قائلاً :"الحمد الله عز وجل وفضل ربنا علينا إننا نجحنا كتير، بس فى مشاريع تفضل علامات فى حياتنا زي محطات الواحد يتسند عليها عمره كله، وتفضل منورة كده وتنور اللى حواليها ".
وأضاف مجدي قائلاً :" من وإلى النهاردة عيد ميلادها السنة، وحابب أقول كلام كتير عنها حاجات محتاجة تتكتب في كتب كانت هي وش القفص، كانت هي الخبرة والبداية شافت أيام وليالي اللي هى مسرحية 3 أيام فى الساحل".
واستكمل مجدي كلامه قائلًا: "أول مسرحية فتحنها من سنة واللي النهاردة بنحتفل أن مر عليها سنه من عمر CairoShow# اللي بتحتفل ب ابنها البكرى النجم صاحب عمري محمد هنيدى وعصابته، حبيبى بيومى فؤاد واللى أنا والفرقة قررنا يبقى وزير خارجية الفرقة ومحمد ثروت ومحمد محمود وكواليس كلها ضحك وانبساط لما يضحكونا بعلاقتهم ببعض وافيهات شربات على صموايل وأمه ومسرحية صغيرة فى الكواليس مع بعضهم، وأحمد فتحى وامصاته اللي كلها طفولي ومها أبو عوف الديڤا اللى معانا وفى نفس الوقت مش معانا با افشتها الرهيبة وندا موسى المشاغبة اللذيذة والكهرباء الزيادة وسامية الطرابلسى المجتهدة ، بعد سنة كلها ذكريات جميلة بضحكنا وزعلنا وفرحنا ياااااا ناس جت وناس مشيت كتير وفضلنا احنا مكملين بالحلم اللى صدقناه ومشينا وراه وحققنا، والكواليس الممتعة واللحظات الجميلة لكل الشاغلين فى المسرحية، الجمهور والإنتاج والإخراج والموسيقى والأغانى والملابس والديكور والإضاءة والممثلين الثانويين والراقصين والادارة المسرحية والكنترول روم كله تعب وصدق عشان يبقى فى مسرحية اسمها 3 أيام فى الساحل مشاعر متلخبطة والله كتير أوى بين الفرح والضحك عشان نجحنا، وبين الزعل والعياط عشان هيوحشونى، لأنها فعلًا كواليس من العمر".
والجدير بالذكر أن مسرحية "3 أيام في الساحل" للنجم محمد هنيدى، عرضت مؤخرًا ضمن فعاليات موسم الرياض بالسعودية، و المسرحية شارك في بطولتها كل من : محمد هنيدي، أحمد فتحي،بيومي فؤاد، محمد ثروت،سامية الطرابلسي، مها أبو عوف، وهي من تأليف حاتم حسن إخراج مجدي الهواري.