راندا حافظ تحتفل بفوزها في "PUBG" على أغنية "مافيا".. وهكذا رد عليها محمد رمضان (فيديو)

نشرت المطربة راندا حافظ، فيديو علي حسابها الشخصي علي "إنستجرام" وهي تلعب اللعبة الشهيرة "PUBG" وبعد أن فازت قامت بالرقص علي أغنية محمد رمضان الجديدة "مافيا".

وأعجب محمد رمضان بالفيديو وعلق عليه "جميل"، وردت عليه راندا: "انا مافيا بس بنت .. "يا أخي الاغنية معلقه معايا"، وتتصدر أغنية مافيا التراند علي موقع الفيديوهات الشهير يوتيوب منذ طرحا بساعات بعد أن وصلت الي 18 مليون مشاهدة في أقل من أسبوع.

يذكر أن راندا حافظ تستعد لطرح ألبومها الجديد، الذى تتعاون فيه مع مجموعة كبيرة من الشعراء والملحنين والموزعين من بينهم أمير طعيمة، نور عبدالله، احمد الجندى، عصام حسنى، إيهاب عبدالواحد، محمد النادى، مدين، أحمد صلاح حسنى، سامر أبو طالب، مصطفى الشعيبى، إسلام زكى، خالد عز، نادر حمدى، وسام عبدالمنعم، وأحمد إبراهيم‫.

أغنية "مافيا" حازت علي إعجاب الكثير من المتابعين وتخطت حاجز ال2 مليون مشاهدة خلال ساعات من نشرها.

الأغنية غناء محمد رمضان، كلمات إسلام شندى وكانكا، ألحان إسلام الأبيض ومونتى، توزيع ديزل، هندسة صوتية هاني محروس، إخراج ياسر سامى.

وتقول كلماتها:
مافيا مافيا مافيا
مبخفش من حد ولا عمري هكش
وأي حد هيواجهني هاخده وش
مدام على حقي هاخد حقي اه معلش
ولو مش فايق يلا روح واعمل ريفريش
بالحب الدنيا تمشي وانت تزيد محبة
متعقدهاش وبلاش تعمل من الحبه قبة

اصل التناكة من الآخر دي ليها ناسها
والناس الي بتتنك أنا بديها فوق راسها

مافيا مافيا مافيا انامافيا
التواضع في الحياة فعلا مبدأنا
اسأل علينا يابني لو مش مصدقنا
جبناها من تحت الصفر بسرعة بدأنا
ولا مرة افترينا علي حد واتجرأنا

ببعت رسالة للي حاطتني جوه راسه
اصله مشغول بيا عشان عارف اساسه
ولو عليا انا عامل فيها مش شايفه
أنا عامل خاطر بس لأهله وناسه

ولو عالعافية ورايا مافيا مافيا مافيا
بس ملناش في الاذية ذية ذية ذية
من جوايا نية صافية صافية صافية صافية
وبيضة مية مية مية

كلامي ليك قد التحدي
انزل وادي مجالي واسع صيتي ذايع بره أرضي

زي الصاروخ الارض الجو مش بهدي
هتخش معايا مقارنة هتخسر مش هتعدي

انا طالع من خناقة مخدتش فيها خدش
الناس قالوا انه مات لكن طلع ما ماتش

تضربني بطلقة في ضهري يا غبي دي ماجتش
سهل انك تنزل تلعب صعب تكسب ماتش

ولو عالعافية ورايا مافيا مافيا مافيا
بس ملناش في الأذية ذية ذية ذية
من جوايا نية صافية صافية صافية صافية
وبيضة مية مية مية

انا الي برسم الطريق وانتوا اللي بتمشوا عليه
ماهو النجاح مش بالعافية مهما عملتوا ايه
وياللي بيتكوا من إزاز لازم تحافظوا عليه
لو شوفت رجله جوه ارضي هتيجوا تعزوا فيه
View this post on Instagram
اتحدى أي حد في #ببجي أنا #مافيا #ثقة_في_الله_نجاح #راندا_حافظ #محمد_رمضان #pubg #chikendinner #mafia #gaming #ps #memes #gamer #xbox #pubgmobile #game #games #funny #pc #follow #lol #playstation #randahafez @mohamedramadanws
A post shared by Randa Hafez (@randahafez) on Jan 7, 2019 at 6:12pm PST