عمرو سلامة عن صبا مبارك: "تحسسك انها بتاخد منشطات تمثيل"

أشاد المخرج عمرو سلامة بموهبة وأداء الفنانة الأردنية صبا مبارك والتي جسدت شخصية مهجة في مسلسل "طايع".
ونشر "سلامة" عبر حسابه الشخصي بموقع "فيسبوك" صورة تجمعه ب"صبا"، وكتب: "في ممثلين تقف ورا الكاميرا علشان تتفرج عليهم كإنك متفرج عادي بيتفرج في البيت مستمتع، ثم تفتكر انك مخرج وتبقى مش عايز تقول cut.
كنت بقعد ورا الكاميرا وعلى لساني كلمه واحدة "هي بتعمل كده ازاي؟؟؟" قدر من الموهبة تحسسك انها بتاخد منشطات تمثيل، ما هو اكيد ده مش عادي.
حبيت مهجة زي ما حبها الناس، وزعلت بموتها زي ما الناس زعلت، ولما بشوفها مش لابسة لبس مهجة ومش بتتكلم زيها بغير وبحس اننا بنخون مهجة.
اتمنالك شخصيتك الجاية تنسينا مهجة، ولو ان ده صعب".
مسلسل "طايع" تأليف الأخوة محمد وشيرين وخالد دياب، وإخراج عمرو سلامة، ويشارك فى بطولته إلى جانب عمرو يوسف، عمرو عبد الجليل وصبا مبارك وسيد رجب وسهير المرشدي ومحمد علي وهند عبد الحليم ومها نصار، ومحمود البزاوي.