نص كلمة الرئيس السيسي في افتتاح حقل ظُهر

قال الرئيس عبدالفتاح السيسي للمصريين: "لو حد فكر إن يلعب بأمن مصر هاطلب منكم تفويض تانى، لأن هايبقى فيه إجراءات أخرى ضد أى حد يعتقد إنه ممكن يعبث بأمنها وإحنا موجودين".
وأكد الرئيس أن أمن واستقرار مصر أولويته الأولى وثمنه حياته، قائلا "أمنك واستقرارك يا مصر ثمنه حياتى أنا وحياة الجيش.. ومحدش يفكر يدخل معانا فى موضوع أمن مصر ده أنا مش سياسى بتاع الكلام، وإحنا مش بنبى البلد بالكلام وعشان ترجع بالشكل ده ربنا اللى عالم رجعت إزاى".
وحذر الرئيس عبد الفتاح السيسى، فى كلمة خلال افتتاح مشروع حقل ظهر، قوى الشر مرة أخرى من الاقتراب من مصر، قائلا "اى حد يفكر يقرب منها هقول للمصريين انزلوا تانى ادونى تفويض امام الاشرار اى اشرار".
وتابع: "أنا مش بخاف غير من ربنا"، مضيفا : "أنا بقالى 50 سنة بتعلم يعنى ايه دولة وبعلم نفسى يعنى ايه دولة وحاجة صعبة قوى، الناس مابتفوكش الخط للدولة وعاوزة تتصدى وتتكلم".
وأكد الرئيس السيسي، أن مصر لن تُبنى إلا بالعمل الجاد والإنجاز الحقيقى، وليس بالأداء السياسى المستند للكلام فقط، قائلا: "أنا مش سياسى بتاع الكلام، والبلد ما بتتبنيش بالكلام".
وأضاف الرئيس السيسي، أن مصر مرت بظروف بالغة الصعوبة، وكانت تحتاج 1.2 مليار دولار لتوفير المواد البترولية شهريا، حتى يجد المواطنون البنزين والغاز، مشددا على أنه لا يقصد إشعار المواطنين بالقلق، ولكن على الجميع معرفة طبيعة الظروف التى تشهدها مصر، والتحديات التى تخوضها، وأن مصر لن تُبنى إلا بالعمل وليس بالكلام
وأكد الرئيس أن الانتاج والعمل مستمر فى مصر بسبب وجود دولة تحافظ على مصالح المواطنين، قائلا: "الدنيا مش بتشتغل لوحدها والدنيا بتشتغل لأن وراها دولة بتشتغل ووراها بلد بتعيش وناس مسئولة بتحافظ عليها ومحدش يتكلم على بلده ويبقى عايز يضيعها وينسى حقوق ال100 مليون مصرى".
وحذر الرئيس السيسى، فى كلمة خلال افتتاح حقل ظهر، المتربصين من الاقتراب من أمن مصر وأمن شعبها، قائلا:"ميصحش حد يفكر يلعب فى أمن مصر واحنا موجودين علشان محدش يلعب فى أمن مصر".
وخاطب المصريين: "قبل ما حد يلعب فى أمنك يا مصر ويضيع ال100 مليون لازم أكون مت الأول، وإللى عايز يلعب فى مصر ويضيعها لازم يخلص منى أنا الأول لأننى لن أسمح بذلك.. أروح بس ال100 مليون يعيشوا".
وتابع فى حديثه للمتربصين بمصر: "اللى اتعمل فى مصر من 7 و8 سنين مش هيتكرر تانى فى مصر".
وقدم الرئيس الشكر لرئيس شركة إينى، كلاوديو ديسكالزى، مؤكدا أن الرجل تحمل كثيرا وأثبت على قوة العلاقات بين مصر وإيطاليا، متابعا بقوله: "مطلبناش منه طلب إلا وكان قد التحدى وبكل الكفاءة ونفذها فى التوقيت المطلوب وبكل كفاءة"، مشددا على أن شركة إينى الإيطالية كانت على قدر المسئولية ونفذت وعدها معنا".
وأشاد الرئيس السيسي ، بالمهندس شريف إسماعيل قائلا: "المهندس شريف من أفاضل الناس اللى شوفتها فى حياتى، مبجاملش فى كلامى مع حد، وهو رجل، ولما جاب الخبر السعيد بتاع الحقل كان وزيرا للبترول".
قال الرئيس عبدالفتاح السيسي، "مش هانسيب موضوع ريجينى إلا لما نجيب الجناة ونحاسبهم ونقدمهم للعدالة فى مصر".
وأشاد السيسى بعلاقات البلدين رغم محاولة الإساءة لتلك العلاقة، ووجه الرئيس حديثه لرئيس شركة إينى الإيطالية قائلا: "عرفت ليه كانوا عاوزين يسيئوا للعلاقات بين مصر وإيطاليا علشان ما نوصلش لحقل ظهر".
وأضاف الرئيس فى كلمته، "إيطاليا أقرب بلد لينا والصداقة بتاعتنا قوية، عرفت ليه عملوا مشكلة؟، علشان نقف ومانمشيش والبلد دى تضر أكثر، بحادثة تتعمل وتوقف المودة والمحبة بينا نتيجة حادث ريجينى، علشان كده مش ناسى لإيطاليا كل وقفتها الكبيرة معانا رغم واقعة ريجينى، أنا مش ناسيها يا كلاوديو، وإحنا فى مصر مش هاننساها".
وجدد الرئيس السيسي تعازيه لأسرة ريجينى قائلا: "أسرة ريجينى الموجودة هناك إحنا بنعزيهم باسم مصر تانى، وبنقلوهم لآ احنا مش هانسيب الموضوع ده لغاية مانجيب الجناة اللى علموا كده ونحاسبهم ونقدمهم للعدالة فى مصر".
طالب الرئيس عبد الفتاح السيسى، أجهزة الإعلام بالحذر فى تناول القضايا التى تخص الأمن القومى المصرى، قائلا ل"الإعلاميين": "انتم عشان تتكلموا عن دولة عايزين تقعدوا تتعلموا سنين طويلة قوى عشان فى الآخر أنت بتحول فكرة الدولة التى تنفذها ببساطة للمواطن البسيط، وإلا فى حالة عدم العلم الجيد ستنشر الإحباط واليأس بوصف القضايا على قد معرفتك".
وأوضح الرئيس السيسى، فى كلمة خلال افتتاح حقل ظهر، أن التحدى الموجود داخل الدول التى شهدت عدم رضا من المواطنين على أداء الحكومات هو بسبب عدم مصارحتها بالتوصيف الحقيقى لمشاكلها، مضيفا: "الناس مكنش متوصف لها سبب تخلفها وضيعها ويقولوا لهم حاجات تانية، والحقيقة عايزة عمل وجهد وشقى وقسوة على نفسنا عشان نخرج من اللى احنا فيه وده مش بيتوصف لهم كده".
وأشار الرئيس السيسى إلى أن تأسيس قوى سياسية حقيقية فى مصر ستكون هى القوى التى تتولى المسئولية عن الدولة مستقبلا، متابعا: "هذه القوى لازم تتجهز وتتعلم صح لأننا بنتكلم عن بلد وناس وشعب وممكن فى حالة عدم العلم والجهل بالقرار تخرب البلد".
ووجه الرئيس حديثه للإعلاميين قائلا: "احذر إذا كان فى ناس بتسمعك ولما تكون بتكلم نفسك أنت حر أو مع أسرتك عادى، ولكن أنت بتكلم شعب لازم تخلى بالك قوى، وإذا كنا مؤمنين بالله وإننا هنقبله الكذبة والفتنة تؤدى لضياع دولة وتخلى الشعب ده زى الشعوب الثانية اللى قاعدة تحدد مصيريها خارج بلدها وتترمى فى البحار ومعسكرات اللاجئين".