ظهر الرئيس عبدالفتاح السيسي غاضبا خلال حفل افتتاح الإنتاج المبكر لحقل ظهر، مشيرا بسبابته 3 مرات خلال حديثه، لكي يوجه رسائل حاسمة لأهل الشر. في المرة الأولى أكد الرئيس، أنه على الجميع أن يتعلم "يعني إيه دولة؟"، لأن البعض يتحدث بكلام يضر مصالح الشعب المصري دون أن يعيي ذلك. وفي المرة الثانية ظهر الرئيس وأشاره بسبابته وقال: "قسما بالله اللى أنتم شايفينه دا مكنش هيحصل لولا الاستقرار وثبات المصريين، الحقل دا يمثل إنتاج 60 % من إنتاج الكهرباء في مصر، طب الكهرباء كلها بتجي منين؟، محدش يتكلم عن بلده ويبقى عايز يضيعها ويقول دي حقوق ال100 مليون". وكانت المرة الثالثة والأكثر غضبا، عندما قال السيسي: "ميصحش حد يلعب في أمن مصر وإحنا موجودين، اللى عايز يلعب في أمن مصر يخلص مني الأول، أنا أروح بس ال100 مليون يعيشوا، الكلام اللي اتعمل من 7-8 سنين مش هيتكرر في مصر، اللى مانجحش وقتها عايزين تنجحوه دلوقتي، أمن واستقرار مصر تمنه حياتي وحياة الجيش، محدش يفكر يدخل معايا في الموضوع دا أنا مش سياسي ومش بتاع كلام، إحنا مش بنمشي البلد بالكلام، وأي حد يفكر إنه يقرب منها، أنا هقول للمصريين انزلوا تاني أدوني تفويض قدام الأشرار، أنا ما بخافش إلا من ربنا وعلى مصر بس". وأكد الرئيس أن الدولة بصدد إنشاء أكاديمية ل"تعليم الناس يعني إيه دولة"، وأضاف: "أنا بقالي 50 سنة بتعلم يعني إيه دولة، أنا صعب أوي في ناس مبتفكش الخط للدولة وعايزة تتصدى وتتكلم". ووجه الرئيس رسالة للإعلاميين وقال: "أنتم عايزين تتعلموا كتير أوي عشان تبسطوا اللي الدولة بتعمله وتوصلوه للناس في الشارع، أنتم بتوصلوا على قد معرفتكم، واللى بيتكلموا عن تجهيز القوى السياسية، لازم يعرفوا إن القوى لازم تتجهز صح عشان تشيل الدولة بعد كدة". وأضاف الرئيس أن محاولة إفساد العلاقات بين مصر وإيطاليا، كان الغرض منها وقف هذا المشروع، والبلد تنضر أكثر، لأن الاحتياطي في البنك المركزي كان يتآكل بسبب استيراد المواد البترولية، مؤكدا "أنا مش ناسي إيطاليا، وبعزي أسرة ريجيني مرة تانية، ومش هننسى الموضوع دا، وهنوصل لمرنكبي جادثة ريجيني". وقال عن مديونيات الشركات البترولية: "هل أسددها ولا أحافظ على الأسعار طيبة وبسيطة كما كانت؟"، مضيفا إن أهل الشر "عملوا كتير لكن وعي المصريين كان أقوى وتحملوا الكثير من أجل مصر".
