الجمعه البيضا أوالسودا أون لاين

سواء قولنا عليها "بلاك فرايداي" او سميناها "الجمعه البيضا" المهم هو نستفيد ونجيب اللي نفسنا فيه بافضل سعر وبأحسن جوده. عشان كده سيبنا من اللون و خلينا في المضمون. طيب ايه هو بأه موضوع البلاك و الوايت ده.
بسرعه كده اسم" البلاك فرايداي" ظهر لأول مرة فى مدينة فيلاديلفيا عام 1960 واللي سماها كده هم رجال المرور هناك عشان الاختناقات المرورية الكبيرة وتجمهر العملاء أمام المحلات خلال هذا اليوم التالي لعيد الشكر في امريكا وهو اليوم المعروف بالتسوق للاستفاده من العروض و التخفيضات اللي بتصل الي 80% في بعض المحلات و بيكون فيه التنافس شديد لتقديم اكبر الخصومات.
ولأن العالم كله بيتأثر ببعضه انتشر التقليد بنفس الاسم في بلاد كتيره غير امريكا ، و احنا طبعا ضمن العالم ده وظهر التقليد ده اول مره في العالم العربي سنه 2014 واللي قدمته هي سوق دوت كوم للتسوق الاليكتروني – on line shopping - وكان لينا لمستنا وسمناها "الجمعه البيضا".
وزي ما قولنا سواء سوداء او بيضاء المهم نستفيد. و المفيد هنا ان الجمعه بتاعتنا بتكون اون لاين يعني مفيش زحمه ولا مرور ولا تجمهر. لكن في عروض خطيرة و تخفيضات كبيرة. ياريت تلحقها و تكون محدد عاوز ايه وتختار المواقع المعروفه بالمصداقيه و العروض الحقيقيه.
والجمعه البيضا علي سوق دوت كوم مش بتكون ليوم واحد، لكنها ممتدده ل 4 ايام من نوفمبر 22 حتي السبت 25 ، عشان الكل يلحق يفيد و يستفيد.
طيب ايه مستوي التخفيضات؟ و ياتري هي فعلا تخفيضات حقيقية؟
تحديدا و بالأرقام سوق دوت كوم بتقدم خصومات من 30% الي 90% علي جميع السلع زي الموبيلات والتلفزيونات و الاجهزه المنزلية وألعاب الاطفال. وفي كمان عروض ومفاجاءت كل ساعه.
ولوكانت احتياجاتك وطموحاتك اكبر من كده ممكن تتابع موقع امازون اللي بدأت عنده صفقات الجمعه السوداء من 17 نوفمبر و بتستمر لمده 10 ايام. في بعض العروض بتتطلب انك تكون مشترك في امازون برايم واكيد تكون واخد بالك من موضوع مصاريف الشحن ومدة التسليم.
بالنسبة لموقع جوميا فهو بيقدم خصومات من 40% الي 70% علي جميع السلع زي الموبيلات – ادوات الرياضة - ملابس - والتلفزيونات و الاجهزه المنزلية وألعاب الاطفال والي جانب الخصومات جوميا بتقدم برنامج الهدايا و المكافاءت Jumia Rewards مع محلات و مقدمي خدمات مختلفين.
وعشان نتحقق من ان التخفيضات حقيقه مهم جدا ناخد بالنا من الاسعار المعلنه يوم الجمعه السوداء/ البيضاء ونقارنها بالاسعار السابقة لأن الاعلانات عن الخصومات بتكون جذابه ومغرية وممكن ما تكونش حقيقه ، فبدل ما نوفر هنقع في صفقات شراء غير مجديه ولا موفره. عشان نتجنب الموقف ده لازم تاخد بالك:
ابتدي التحضير للتسوق قبل يوم الجمعه بوقت كافي.
راجع اسعار المنتجات قبل يوم التخفيض عشان تتحقق ان فعلا الخصومات حقيقه.
اقرأ عن المنتجات اللي عاوز تشتريها وشوف اراء المستخدمين.
حضر قائمة بالسلع اللي عاوز تشتريها لنفسك و كمان قائمه بالهدايا.
تعرف جيدا علي طريقة الشراء في كل موقع قبل يوم الخصومات.
تسوق من مواقع معروفه وتتمتع بسمعه جيده.
احرص علي حماية بياناتك و معلومات الشخصية خاصة عن استعمال كروت الائتمان.
تحلي بالصبر وما تستعجلش في الشراء لأن المعروض كتير عشان فعلا توصل لصفقه جيده.
واكيد اللي بيشتري اي حاجه بيدور في اكتر من مكان ،فالأفضل اننا نستخدم محرك بحث يجمع لنا كل العروض في كل مواقع التسوق وكمان في المحلات عشان نقارن بين الاسعار من غير ما نتوه بين المواقع و المحلات المختلفه وعشان تضمن انك تعرف كل العروض وتقارن بين اسعار مواقع التسوق الالكتروني الكتيره محرك البحث ياقوطه بيقوم بالمهمة دي و بيقدملك الاسعار في كل المواقع يعني هيوفر عليك مشقة البحث و المقارنه لأنك هتلاقي كل الاسعار قدامك وانت عليك تختار، يعني هتحس و انت مع ياقوطه انك في "مول كبير اون لاين" فيه كل البضاعه و اسعارها قدامك. ومع ذروه التسوق و الخصومات في الجمعه البيضا و السودا ياقوطه هتكون خير رفيق عشان تلاقي اكبر خصم. ولتسهيل عملية الشراء في يوم الجمعه السوداء / البيضاء ياقوطة خصصت قسم لكل السلع المعروضه في الخصومات اسمه خصومات البلاك فراي داي