أول تعليق لزينة بعد رفض استئناف أحمد عز على حكم اثبات نسب توأمها له

أعربت الفنانزينة، عن سعادتها، برفض محكمة استئناف الأسرة اليوم، الاستئناف المقدم من أحمد عز، على حكم اثبات نسب توأمها له.
وقالت زينة في تعليق على صورة "عز" نشرتها عبر حسابها الخاص بموقع "انستجرام": "الحمد لله النهاردة كانت آخر قضية رافعها علينا الشيطان، والحمد لله مايقدرش الشيطان يرفع أي قضية تاني".

وأضافت زينة: "الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا، الشيطان ده قبل مايخسر كل القضايا خسر نفسه اللي مش موجودة أصلا وضميره المعدوم وحتى شكله اللي بقي استغفر الله العظيم".

وتابعت زينة: "نصيحة ليكم اياكم والظلم اياكم والقسم بالكذب، كلمة أقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وإنت عارف بتقول كده، بس ياريت تثبت كدبة علشان بتنسي كدبك وكل يوم بقصة".
وشكرت زينة المحامي معتز الذكر، قائلة: "تعب معايا وخلاص ارتاح من قلقي والصداع اللي عملتهواه، ومبروك يا أستاذ معتز على قدوم القمر زينة الصغيرة، وربنا يكرمك ويخلي زينة وعبدالله، كملت مسيرة الأستاذ الكبير محمد الدكر الله يرحمه يارب، شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك اوي يا استاذ ربنا يخلي حضرتك".
وختمت كلامها: "أرجوكوا سامحوني على الصورة دي واعرفوا إنها مخوفاني انا كمان والله للأمانة ماكان هو ده شكله، بس الظلم والقسم كدب بينزل غضب ربنا على أغلى حاجة عند الانسان، ودا أغلى حاجة عنده وشه، بعتذر على بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية".