فتيات يتعرضن للضرب في إحدى المحلات الشهيرة بسبب "النقاب" (فيديو)

تداول رواد مواقع التواصل الاجتماعي "فيس بوك"، فيديو لسيدات منتقبات تعرضن للضرب في إحدى المطاعم الشهيرة، بسبب ملابسهن، بحسب ما ذكرت إحدى الشهود على الواقعة.
تعود تفاصيل الواقعة، إلى أن مجموعة من الفتيات المنتقبات، ذهبن إلى إحدى المطاعم الشهيرة، لتناول وجبة الإفطار، وتعرضن للضرب من إدار المحل والعاملين به، وتقول فتاة تدعى سلمى أبو الفضل، إحدى الفتيات التي تعرضن للضرب إنهم فور دخولهم للمحل، بدى على الجميع نظرات غريبة لهن، بالإضافة إلى الطريقة الغريبة التي تم التعامل بها معهن.
وتابعت "أبو الفضل"، خلال منشور لها على صفحتها الشخصية، بموقع التواصل الاجتماعي "فيس بوك"،: "زي أي شوية أصحاب لمينا بعض وروحنا نفطرمع بعض، دخلنا من الباب شوية منتقبات وكم واحدة مختمرة قاعدنا ونظرتهم لينا وتعاملهم غريب قولنا عادي، واحنا بنفطر الكاشير جبلنا الفاتورة وقالته بنت مننا إحنا لسه بناكل نخلص بس حاضر".
وأضافت: "دقيقتين وجه بالفاتورة تاني وردينا عليه هو حضرتك عايزنا نقوم يعني، ناكل طيب .. الساعة 8 قومنا ندفع الحساب فمدير المحل خبط في بنت مننا واحتك بيها جامد فقالته من فضلك وسع كدا مينفعش ممكن تمر من مكان تاني قالها وطي صوتك، وعلى صوته عليها فاخدنا شنطنا وقولنا نمشي، فقلنا أصلكم مش محترمين انتوا والي لمينهم دول ومكانكم تاكلوا في الشارع انتوا منظر ناس تاكل في مطعم ".
واستطردت: "سب لينا الدين وقالنا انتوا تاكلوا في الشارع بمنظركم دا.. إللي هو أيه منظرنا معرفش؟ ..ونزلنا السلم وباقي أصحابنا فوق، لقينا صويت وصريخ طلعنا نجري لقينهم فكين أحزمة البناطيل وبيضربوا في أصحابنا، رجالة بشنبات بتضربنا اتحبس مننا حبة فالدور الي فوق وحبة فالدور الي تحت وحبة برا باب المحل لمدة 48 دقيقة كان دمنا نشف ومعظمنا عنده كدمات كبيرة وإصابات منها إصابات فالراس والدراع والجسم وضرب ع الوش والشلاليت.. أه دا حقيقي وكمان الزبابين اتبرعت وضربت مع إدارة المكان ... لانهم عارفين اننا في بلد مش هتعرف منتقبة تطلب فيها الأمن لحد، لأنه لو جيه هياخدها .. حطت صورة دليل حالي، للناس الي بتكدبنا .. وبالنسبة إننا كتير كتبوا البوست احنا كنا كتير جوا مع بعض".
لمشاهدة الفيديو اضغط هنا