أسامة كمال للمصريين: "لازم نفوق ونعمل حاجه صح للبلد"

قال الإعلامي أسامة كمال، إننا نطلع ونقول أو نكتب "مافيش فايدة" و"صوتي يا صفية" وغيره من الإيفيهات اللي جابتنا ورا سنين طويلة، هي أسهل حاجه في الدنيا.

مؤكدا خلال حلقة الأربعاء من برنامج "مساء dmc"، أننا منذ سنوات محلك سر بسبب الناس اللي بتكسر المقاديف، والناس اللي مقاديفها اتكسرت بالفعل وما حاولتش تعمل مقاديف غيرها أو حتى تكمل السبق عوم.

وأعترف "كمال"، بأن البلد مليانة مشاكل، والتصرفات اللي بتصدر من جهات إدارية في الدولة ومن أجهزة وغيره عليها علامات استفهام، مشيرا الى حجم من يتم ضبطهم متلبسين برشوة وفساد، وهؤلاء "نقطة في بحر" حسب وصفه.

ووجه "كمال" رسالته لمن يرى الدنيا سوداء ومن يكتف بالاستسلام وقرر كعبلة اللي ماستسلمش وسودها في وشه: ما تركن يا أخي يمكن التاني اللي مصرّ ولسة بيعافر، يمكن يعمل حاجة تفيده وتفيدك وتفيد البلد الغلبانة بينا ومعانا دي.

وختم أسامة كمال مقدمة برنامجه، بالتأكيد على أن الناس لازم تفوق لنفسها وتصحى وتعمل حاجة صح لاجل النبي ولاجل البلد ولاجل أي حاجة عايزين نورثها للأجيال الجاية.