قصة "حمام التلات" الشعبي في قلب القاهرة وأسعاره.. أحد زواره تروي ل"الفجر" تجربتها داخله

حمام الثلاثاء هو حمام شعبي يوجد منه فرعين (عوكل ومشمش)، موقعه داخل حواري وشوارع "الوكالة" القريبة من محطة مترو جمال عبد الناصر، يزوره كثيرا من البنات يوميًا، وتبقى مواعيده من الثامنة صباحا حتى الخامسة مساءً، ويحظر تماما بداخله استخدام الهاتف المحمول، منعا للتصوير.
أسعاره كالتالي:
ماسك الطمي المغربي 50 جنيها
سعر ماسك الترمس 25 جنيها
سعر السويت الدراع 20 جنيها
سعر سويت الراجل 20 جنيها
والجسم كله لو عروسة 120 جنيها
أحد زوار "حمام التلات" تحكي قصتها ل" الفجر"، قائلة: "رحت المكان ده وكان مفعولة رائع جدا في البياض ونظافة الجسم يعني بصراحة الواحد كان خارج بيبرق من النظافة".
وعن تجربتها، قالت: "أنا كنت لسه عروسة كان ليا زميلتي شجعتني إني أروح حمام الثلاث وقالتلي بجد رائع فقولت أجرب بس هي كانت بتروح بالوصفة يعني مش عارفة الطريق كويس، فقررت في يوم إني أخذ ماما وأنزل باب الشعرية واسأل، وفعلا نزلنا ميدان باب الشعرية وسألنا كام ست قابلتنا فدلونا على (حمام بخار المرجوش)".
وأضافت: "المكان عتيق أوي من أيام المماليك ولقيت أول ما دخلت من الباب مكان الاستراحة وفيه سيدة كبيرة في السن بتستلم كل متعلقات الشخصية طبعا وكمان الموبايل والدهب الفلوس يعني أي حاجة معاكي خايفة علية وبتكتب كل دة فى ورقة وبترفقها بكيس بتاعك بس أنا كان معايا ماما وهي انتظرت فى الاستراحة، وسلمت أمري لله ودخلت مع الست اللي ندت عليا وقالت لها خدي العروسة دخليها".
وتابعت: "دخلتني مكان مغلق باب خشب قديم أوي.. دخلت لقيت صحن دائري ونازل منه ميه وفي ستات قعدين وفي ستات بتكيس وفي ستات كمان بتحط ماسك مغربي وترمس والستات أكثرهم لابسين بكيني وبعدين دخلتني غرفة تاني بنطلع فيها بخمس سلالم كبار، وفيها مغطس كبير بميه ساخنة والميه بتنزل من ماسورة مرفوعة فوق قرب السقف تقريبا ومياه ساخنة في المغطس وكمان شوفت السقف في قبة دائرية وفيها فتحات صغيرة وعرفت طبعا دي للتهوية وعدم الاختناق وقالتلي اقعدي جنب المغطس ولما تحسي إن جسمك اتشبع بالبخار نادي عليا أنا أم فلان، عشان أنا اللي هكيسك وبعدين خذات مني لبسي وخرجت بره لماما".
واستطردت: "فضلت قعدة ساعة ونصف تقريبًا وبعدين ناديت عليا قولتلها أنا استويت خرجت بره في الصحن ده وقالتلي نامي وابتديت في التكييس.. أنا كنت جايبة ليفة مغربي خاصة بيا غير اللي معاها، وطبعا ماما كانت كل شوية تدخل تبص عليا من باب الأمان، وبعدين حطيت على كل جسم ماسك الترمس عشان أنا طلبت الترمس وفضلت قعدة لمدة ربع ساعة بدعك الترمس في كل جسمي لحد ما حسيت إنه ابتدى ينشف دخلت الحمام وغسلت جسمي بميه ساقعة من الحنفية عشان يقفل مسام جسمي المفتحة وخرجت نشفت جسمي كله وبعدين لبست وخرجت منورة".