نشوى الحوفي تهنئ صاحبة السعادة لتوقيع كتابها: "سعيدة إني ترس في شيء إيجابي"

هنأت الكاتبة الصحفية نشوى الحوفي، الفنانة إسعاد يونس، على التوقيع كتابها "زي ما بأقولك كدة"، قائلة:"سعيدة إني ترس في شيء إيجابي".
وقالت "الحوفي" - في تدوينة على حسابه بموقع التواصل الاجتماعي "فيسبوك"، اليوم الإثنين - "زي ما باقولك كدة، إمبارح كان يوم فيه بصمة في الحياة.. إمبارح كان تتويج شغل 6 أشهر عشان فكرة طقت في بالي وأنا باسمع صاحبة السعادة، إسعاد يونس كل يوم على راديو 9090 وهي بتقدم برنامج 5 دقايق تاريخ وفن وسياسة وسلوك".
وتابعت: "سألت نفسي في يوم بعد البرنامج ما خلص:" طيب واللي ما سمعش الحلقة كده طارت في الهوا؟ طيب وعيالي اللي عايزاهم يفتحوا مخهم ويفهموا شوية حاجات ومش بيسمعوا راديو؟ رحت الشغل وأنا بافكر طالعة في الاسانسير لقيت صاحبة السعادة في وشي...عرفت أن دي الاشارة حضنا بعض وحكيت لها قالت لي لا نشرب قهوة في المكتب بقى".
وأضافت: "قلت لها نحول البرنامج كتاب..أه والله زي ما بأقولك كده) بسرعة كان التواصل مع شركة ليو ميديا المنتجة وراديو 90 90..وكان الشغل علي الغلاف والموضوعات والبروفة... سعيدة ب 3 بشباب مبدعين الفوا الكلام "إياد صالح- محمد حربي- واسلام صالحين"...سعيدة إني ترس في شيء إيجابي سعيدة إن إمبارح كان حفل التوقيع اللي تم بنجاح.... الحمد لله...زي ما باقولك كده كتاب اقروه أنتم وولادكم...حتفرق كتير حفل التوقيع اللي تم بنجاح صباح كل يوم بصمة جديدة)".
وعقدت دار نهضة مصر حفل توقيع لكتاب "زي ما بقولك كدة" لإسعاد يونس بفندق ماريوت بالزمالك، أمس الأحد.