تجول مراسلو "الفجر تي في" بالشارع المصري وفي إطار فكاهي، طرحوا على المواطنين سؤال "لو عرفت إن مامتك حامل هاتعمل إيه؟". حلت الدهشة بوجوه بعض الشباب قائلين: "حامل في الوقت ده دا فضيحة، لا صعب إزاي يحصل كده، والله كده عيب.. بعد كده هنحطلهم عسكري في البيت يراقبهم ماينفعش خالص"، عبارات تفوهوا بها حين سماعهم السؤال، معربين عن مدى صدمتهم بحدوث مثل هذا.
وبضحكات متواصلة، أقر شاب في أوائل العشرينيات من عمره، قائلًا: "هتجيب إيه تاني إحنا 5 دي هتهزر دي ولا إيه.. لو جابت هشيله وهشتكه وأشغل أغنية عدوية بتاعة شيل الواد من الأرض". وأشار مواطن إلى كونه الابن الوحيد ولم يود أن تنجب والدته أخ آخر غيره؛ فهو لايرغب دخول الجيش، قائلًا:" هتبقى مشكلة ليا، بس لو بعد ماأخد الإعفاء معنديش مشكلة".
واستطرد مواطن قائلًا: "ماينفعش دا مش صح أنا موجود كفاية خلاص ماينفعش أنا عامل احتياطاتي لما بكون موجود معاها مش لازم تبص لحاجة زي دي طبعًا هي اكتفت بيا". وسخر مواطن ضاحكًا: "حامل من مين الأول من أبويا ولا من حد غيره عمومًا مبروك مقدمًا بس علميًا أبويا وأمي مش هايخلفوا تاني كفاية هم الدنيا عليهم هما فايقين". في حين أوضح بعض الشباب انهم سيفرحون بالطفل القادم وسيقومون على تربيته ومساعدة والدتهم في ذلك، قائلين: "هنكون مبسوطين ومش هانزعل بالعكس هنربيه معاها". لمشاهدة الفيديو اضغط هنا
