"الجزيرة" تتطاول على الجيش المصري.. والشارع يرد: "ربنا ياخدها.. قناة إرهابية" (فيديو)

"فيديو تافه.. وقناة كدابة وإرهابية.. ربنا ياخدهم".. بتلك الكلمات عبّر مواطنون عن غضبهم تجاه الفيلم المتطاول على الجيش المصري الذي أنتجته قناة الجزيرة تحت عنوان "حكايات التجنيد الإجباري في مصر"، معبرين عن حبهم للجيش المصري حتى آخر قطرة دم في حياتهم.

إحدى الفتيات تعلق على الفيلم قائلة: "الجزيرة إرهابية وكلامها كله فاضي ونفسنا ندخل الجيش من وإحنا أطفال.. يا ريت يكون لينا فرصة، وربنا يحمي جيشنا كفاية إنه محسسنا بالأمان". وتتناول أطراف الحديث سيدة خمسينية تقول: "ابني وحيد وكنت بيتمنى يدخل الجيش.. ولو طلبوه للتجنيد أنا أول واحدة هشجعه وهقوله روح ويدافع عني وعن أخته وبلده"، وقالت أخرى:"أخويا حابب يدخل الجيش هو دا عمود البلد، وبقول للجزيرة وقطر أه قاسي وعنيف بس دا لصالح البلد ياريت ماتدخلوش في حاجة ماتخصكوش"، وتضيف: "الجيش صانع رجال لما طرأ على أصدقائي من تغيير للأحسن بعد دخولهم الجيش. ووجهت للجزيرة كلمة قائلة: "انتو كلام من غير دليل وكدابين وماعندكوش مصداقية، وجيش مصر بيمثلي الأمان".

ويعلق شاب على الفيلم الجزيرة: "الجيش.. خير أجناد الأرض، والجزيرة ملهاش إنها تدخل في خصوصياتنا شباب كتيرة راح دمهم فداء للوطن ونفسنا نبقى زيهم"، بينما يوجه آخر كلمته للقناة قائلا: "كفاية عليكم لحد كده بتهبلوا كتير وإحنا بنسكت لكم، بتمنى ادخل الجيش مع إني تخين بس ياريت تجيلي الفرصة دي". ويقول آخر "كل حاجة بيعملها الجيش في صالح الشعب.. والجزيرة مفبركة مابتقولش حاجة صح ربنا ياخدهم".
لمشاهدة الفيديو اضغط هنا