بالفيديو.. سمر يسري تثير استياء ضيوفها وتعرض صورة محرجة ل "نرمين ماهر"

واصلت الإعلامية سمر يسري، إثارة غضب رواد موقع التواصل الاجتماعي "فيس بوك"، وضيوفها، خصوصًا بعد حلقتها الأخيرة مع أبطال فيلم "أوشن 14"، وتعمدها إحراج الفنانة نرمين ماهر.
وقالت "نرمين" خلال لقائها ببرنامج "ليلة سمر": "في قيود أكيد بعد الجواز، وبقي في حدود معينة، وبقيت أخد بالي أكتر من الأول في حاجات كتير سواء طريقة لبسي أو دور أوفر، رغم أني مكنتش بعمل حاجة أوفر أوي، لكن على قد ما أقدر مبعملش حاجة كدة".
وعرضت "سمر"، مشهدا ل "نرمين" من الفيلم، وهي تقفز في حمام السباحة مع زميلها الفنان "حمدي الميرغني"، وعلقت قائلة: "جوزك شاف الفيلم ورأيه أيه.. طب لما شاف الصورة دي عمل أيه".
وردت "نرمين": "عجبه بس هو مش حابب الشخصية اللي هي البنت الشعبية دي، بس فكرة الفيلم عمومًا عجبته .. أحنا اتخاصمنا يومين أنتي عايزة أيه"، بينما رد "عمر مصطفى متولي"، قائلاً "أنتى جاية توفقي بينهم أيه السؤال ده".
وعلقت "نرمين"، قائلة "وائل عارفهم كلهم، وأحنا بنقدم كوميديا ومفيش ابتذال في الفيلم، وده بشهادة الناس، يعني في المشهد ده كل البنات لابسين مايوهات وأنا حاولت ألبس حاجة مقفولة وبكم، رغم أني نطيت في البسين".
الفيديو..