كل حاجة وعكسها.. المصريون من طابور السكر ل "ايفون 7" .. ونشطاء: "وعايزين يعملوا ثورة الغلابة"

مفارقة عجيبة ففي الوقت الذي يقف فيه المواطنون أمام سيارات توزيع السكر للحصول على عدد 2 كيس محددين نظراً لما نمر به من أزمة السكر، شهد اليوم الخميس طابور آخر ولكنه ليس للحصول على السلع بل من أجل شراء ايفون 7 .
ويباع ايفون 7 لأول يوم بمتجر تريدلاين موزع الايفون المعتمد بمصر، ويتراوح ثمنه من 13000 إلى 20000‎ .
وآثارت صور طابور المواطنين للحصول على ايفون 7 غضب رواد مواقع التواصل الاجتماعي وفيما يلى نرصد أبرز ردود الأفعال.
مطالبة بحرمانهم من الدعم
وطالب أحمد صلاح في تعليق على موقع التواصل الاجتماعي "فيس بوك" بحرمان مشترى ايفون 7 من الدعم قائلاً: "‎ الناس دي اللي مفروض يتشال من عليهم الدعم ..الناس دي اللي مفروض تزيد عليهم فواتير الكهربا و الغاز‎ الناس دي اللي مفروض تتعرض عليهم القيمه المضافة..الناس دي اللي مفروض اللي تتباعلهم السلع الأساسية بدون دعم‎ .. الناس دي اللي مفروض تدفع ضرايب دخل‎ ..الناس دي اللي مفروض تصبح علي مصر و تجيب الفكه‎ .. الطبقه الوسطي انهارت خلاص‎ .. المصريين دلوقتي يا غني غني فاحش‎ .. يا اما مكفي نفسه او بيشحت و للاسف الغالبية بقت بتشحت ".

"في ناس مش لاقيه تاكل"
وقالت فاطمة: " ماشي دول الناس الاغنيه اللي معاها فلوس لف بقي ف الشوارع والجواري هتلاقي ناس مش لاقيه تاكل والشتا داخل هتلاقي اللي بينام منغير غطا وبيموت م البرد ".
مليون واحد
ومن جانبها قالت أسماء: " ايه يعني مليون واحد في مصر هتشتروا ايفون 7 باقي عندك 89 مليون غيرهم مش هيفكروا فيه وفيه نصهم ما يعرفوش يعني ايه ايفون اصلا".
العدالة الاجتماعية
وقال محمود معلقاً: " ياخى سبحان الله ناس واقفه طابور ع السكر والعيش وناس واقفه هنا..هى دى العداله الاجتماعيه".
ثورة الغلابة لمين؟
وعلقت صافي مستغربة: " وعايزين يعملوا ثوره الغلابه والله الواحد مش عارف يقول ايه عشان القول ضايع".
"كل حاجة وعكسها"
ومن جانبه قال سعيد: " عجبت لك يا شعب مصر ؛ فعلا يا كل حاجة وعكسها".