قالت الفنانة سمية الخشاب، ساخرة: "أنوثة المرأة حركات، حيث إننا ممكن نجد امرأة ليست جميلة لكن فيها جاذبية كبيرة، وتشد الانتباه بطريقة كلامها وحركاتها". وداعبتها الإعلامية مفيدة شيحة خلال برنامج "الستات ميعرفوش يكدبوا" على قناة "CBC" قائلة: "علمى اختك ربنا يخليكى الحركات دى، فعلا فى ناس بتتقنها"، وردت الخشاب قائلة: "كل واحدة ليها طريقتها لكن الجاذبية بتاعت ربنا، والجمال عقل، وسلطة مؤقتة وليست دائمة".
وتابعت الخشاب قائلة: "الرجل ممكن يتجوز ملكة جمال ولكن نكدية وتكرهوا فى عيشته، ولما يتكلم عليها يقول دى دمها يلطش، وممكن نلاقى رجل متجوز واحدة مش جميلة لكنها بشوشة وذكيه فى تعاملها معه".
وأشارت قائلة: "أحب الناس تتعامل معى بعقليتى قبل كونى امرأة جميلة، ومش بحب الرجل اللى يعكاسنى ومعجب بجمالى مش بيشدنى بحسه تافه".