تعرف على السبب الحقيقي لمغادرة إبراهيم فايق لمقرcbc قبل وصول رئيس الزمالك

كشف أحمد درويش رئيس تحرير برنامج "السوبر" والذي يقدمه الإعلامي إبراهيم فايق، حقيقة تعدي مرتضى منصور رئيس نادي الزمالك، على فايق داخل مدينة الإنتاج الإعلامي.


جاء ذلك بعد أن هدد مرتضى منصور فايق، بالتعدي عليه خلال إحدى البرامج التلفزيونية مساء السبت الماضي.

وكتب درويش على صفحته على فيس بوك:" نحكي الحكاية بالراحة علشان الناس تكون عارفة الحقيقة..

الليلة كانت اخر حلقة للزميل العزيز إبراهيم فايق وفريق العمل في برنامج السوبر علي قناةcbc بعد انتقالنا لقناةDMc لتقديم برنامج يومي وبرنامج حصاد أسبوعي وستوديو تحليلي منتصف سبتمبر المقبل إن شاء الله

المهم لظروف خاصة بالقناة تم تسجيل الحلقة بدري ساعتين مع كابتن رمضان السيد وبعد ما خلصنا وكل واحد رايح يركب عربيته أو مع واحد صاحبه لقينا مرتضى منصور واقف قدام القناة ووراه عربيتين فيهم وحيد ابن اخته وناس بلطجية وسأل حد واقف قدام القناة علي إبراهيم فايق وعرف انه مشي من شوية لأن الحلقة كانت مسجلة

فجأة مرتضي بدأ يتحرك بص لقاني واقف مع أحمد الهواري مراسلنا الصحفي في الزمالك وزميلنا عمرو حسن قام نادي علي الهواري وشتمه بصوت عالي جدا كذا مرة وقال.. هو فين يا هواري وشتم الهواري

المهم اتجمع عدد كبير فوق 30 واحد من معدين وإنتاج وأمن واخراج cbc وسي بي سي اكسترا وبدأوا في التحرك نحو عربيات مرتضي اللي مجرد ما شافوا الناس جروا زي الفراخ خصوصا أنهم كانوا واقفين علي منزل بين صدي البلد وcbc

دي كل الحكاية علشان شايف ناس كاتبه ان مرتضي ضرب وناس كاتبه مرتضى انضرب وكلام فاضي.. مرتضي جعجع ولما اتكشمله جاب العربية علي سرعه 200 ولا شوماخر بطل السيارات

المهم إن مرتضي خاف يجي لوحده وجاب وبلطجية علشان خاف والمهم أن هو كان عارف وهو في المحور ان ابراهيم فايق مشي بس صمم يجي علشان يعمل نمرة فكسانة

والله علي ما أقول شهيد وربنا يكرمنا بمقطع فديو ان شاء الله لهروب ضاضا".