"أديب" يفتح النار على "الداخلية" بسبب المواطنين الشرفاء: "بلدي أوي يا أم حسين"

استنكر الإعلامي عمرو أديب، واقعة المواطنين الشرفاء الذين استعانت بهم وزارة الدخلية، قائلا: "بلدي أوي يأم حسين.. مفروض محمد بيه بتاع قسم الهرم يكون طور من نفسه شوية.. المنظر بتاع المواطنين الشرفاء ده جعلني أشمئز".
وأضاف "أديب"، خلال تقديمه برنامج "القاهرة اليوم"، المذاع على فضائية "اليوم"، السبت: "المفروض الداخلية تطور من نفسها شوية والشغل بتاع الحزب الوطني ده اتغير اوي وتجيب ناس بيعملوا حركات كويسة بصوابعهم ده شغل بلدي"، متابعا: "المواطنين الشرفاء لا يطبق عليهم قانون التظاهر خالص.. أصلهم شرفاء ومش محتاجين قانون"، منفعلا: "ايه يا داخلية ما تصلي على النبي كده بقا وارسوا مبادئ الدولة والاحترام مش كده".
وتابع: "انا ابتديت انزع من كمية القبض على الناس خاصة ان الجميع شركاء في البلد دي بس لو هحس اني هكون معول هدم فيها مش هطلع التليفزيون وانا هفضل أقول رأيي جوه البلد وجوه النظام اللي انا رشحته ومازالت اسانده لكني منزعج من كمية القبض على الناس".