نكشف حقيقة الخلاف على أغنية عمرو دياب الجديدة "أنا وإنت"

أثارت إدعاءات للشاعر الصاعد أحمد جابر، أمس، جدلا كبيرا علي موقع التواصل الاجتماعي "الفيسبوك"، حيث أفاد بإمتلاكه لكلمات أغنية "أنا وإنت" لعمرو دياب، وأنه هو الذي أقام بكتابتها وليس الشاعر أحمد علي موسي.
وقال الملحن أحمد البرازيلي، فى تصريح خاص ل"الفجر الفني": "أغنية أنا وأنت" " لحنتها من فترة كبيرة و سمعتها لواحد صاحبي و كتب عليه الكلام دا.. "ايام بتعدي عليا و صعب انساها معاه دا محدش عاش الي انا عشته يوم وانا وياه البعد اكيد وداني بعيد بقي صعب نرجع و العيش في بعده متتعاش و لا تبقي ديا حياه كتر خيرك خليني اعيش مع غيرك بس انا سايبك لضميرك مش هسال ليه سبتني يوم نفس ترجع انا عارف ما البعد بيوجع .. تفتكر ان الحل دا ينفع و لا كلامك و لا ليه لزوم".
ثم إستكمل قائلا: "بعد كدا سمعت اللحن لأحمد علي موسي، و عاجبه اللحن جدا و بعدها كتب عليه الكلام الي احنا سمعنا منه جزء في البرومو".
وأضاف "البرازيلي" قائلا: "بعدها صاحبي قالي عملت ايه ف الأغنيه قلتله خلاص انساها اللحن اتاخد ع كلمات تانيه.. و كل دا حصل قبل ما عمرو دياب.. ياخد الأغنية من أحمد علي موسي".
يذكر أن "الهضبة" يستعد لطرح ألبومه يوم 25 إبريل المقبل وان عمرو دياب، يتعاون في الألبوم مع عديد من الشعراء والملحنين والموزعين منهم مجدي النجار، وتامر حسين، ومدحت العدل، وعبد المنعم طه، وأحمد علي موسى، وخالد تاج الدين، وعادل عمر، وأسامة مصطفى، والملحنين عمرو طنطاوي، وتامر علي، وشادي حسن، وإسلام زكي، ومدين، وأحمد حسين، وسامح كريم، وأحمد البرازيلي، وحسن الحلو.