"بعد زيادة وزنها".. أنجي وجدان: "أنا حرة وحابة نفسي في أي شكل"

أعربت الفنانة الشابة أنجي وجدان، عن استيائها الشديد من الساخرين من زيادة وزنها بعد وضعها مولودها الأول قبل أسابيعٍ قليلة.
ونشرت وجدان، الصورة على صفحتها الشخصية بموقع التواصل الاجتماعي "فيسبوك"، وعلقت عليها قائلة: "الصورة ديه مع إنها مش أحسن صورة ليا الفترة ديه إهداء لكل واحد أو واحدة بيتريقوا على جسمي. ده شكلي اليومين دول بعد ما خلفت. اللذيذ بقى في الموضوع إن أنا مش فارق معايا الناس إللي عمالة تعلق. أنا واحدة حملت و خلفت. و تخنت في الحمل جامد. عادي إيه المشكلة؟".
وأضافت: "أنا حرة. و حابة نفسي في أي شكل. أنا ممكن يفرق معايا الناس إللي تعلق على شخصيتي، لكن وزني لأ و لا يفرق معايا. و بعدين هو كل واحدة جسمها مش موديل تبقى وحشة؟ إيه السخافة ديه،و ديه رسالة لكل بنت، أنت جميلة زي ما أنت كده. و إللي مش عاجبه يتفلق. استمتعي بحياتك الواحدة بتعيش مرة واحدة بس".
وتلقت "وجدان" العديد من التعليقات الإيجابية عبر صفحتها من جمهورها الذي أكد بمعظمه على حبه لها وتفهمه للظروف الطبيعية التي سببت زيادة وزنها بصورةٍ ملحوظة.