إنجي وجدان لمنتقديها بعد زيادة وزنها: «مش فارق معايا»

ردت الفنانة إنجي وجدان برسالة على كل منتقديها، بعد زيادة وزنها بشكل ملحوظ، من خلال صفحتها الشخصية على موقع التواصل الاجتماعي "فيس بوك".
وقالت إنجي «الصورة ديه مع إنها مش أحسن صورة ليا الفترة ديه إهداء لكل واحد أو واحدة بيتريقوا على جسمي، ده شكلي اليومين دول بعد ما خلفت. اللذيذ بقى في الموضوع إن أنا مش فارق معايا الناس اللي عمالة تعلق»
وأضافت «أنا واحدة حملت وخلفت، وتخنت في الحمل جامد عادي إيه المشكلة؟ وبعدين أنا حرة وحابة نفسي في أي شكل أنا ممكن يفرق معايا الناس اللي تعلق على شخصيتي، لكن وزني لأ ولا يفرق معايا، وبعدين هو كل واحدة جسمها مش موديل تبقى وحشة؟ إيه السخافة دي».
وتابعت «دي رسالة لكل بنت، أنت جميلة زي ما أنت كده واللي مش عاجبه يتفلق استمتعي بحياتك الواحدة بتعيش مرة واحدة بس».