«القرموطي» ينفعل على «الداخلية»: «مش شايفين شغلكم.. والحشيش بيتباع قدامكم»

انفعل الإعلامي جابر القرموطي، على وزارة الداخلية، بسبب تقاعس قسم شرطة الوراق والضباط بالقسم في التعاطي الايجابي مع واقعة الاعتداء الجنسي على طفل عمره 9 سنوات قائلا: "ياسيادة اللواء ابوبكر عبدالكريم مينفعش كده وانتم بتزعلوا لما بنتكلم ونقول الشرطة وتجاوزاتها واهمالها..ووزير الداخلية كان بيشتكي من الهوجة اللي كانت علي الشرطة اليومين اللي فاتوا اشتغلوا بقا".
وتابع "القرموطي"، خلال تقديمه برنامج "مانشيت"، المذاع على فضائية "اون تي في لايف"، الثلاثاء: "يعني مينفعش نقول بعد كده دي حالات فردية..خلي الناس في الداخلية تشتغل ياوزير الداخلية..والجماعة بتوع قسم الوارق يروحوا يتشطروا على الحشيش والمخدرات اللي بتتباع قدام القسم..ولو الطفل ده ابن راجل مهم كانت الدنيا اتقلبت بس عشان ده غلبان"، مضيفًا: "كده مش صح ولازم القضية دي تخلص زي قضية دربكة ولا لازم الرئيس يتكلم؟".
ومن جانبه أكد احمد سلمان، محامي الطفل المغتصب خلال مداخلة بالبرنامج: أن احد الضباط قال له إن جريمة الاغتصاب تمت برضاء الطفل، ليعقب القرموطي قائلاً: "الضابط شاري دماغه مش عاوز يشتغل".