شادي حسين عن اعتذار" أبلة فاهيتا" له : "اشطة يعني الموضوع ميستحقش"

رد شادي حسين، أحد العاملين ببرنامج " أبلة فاهيتا"، وصاحب فيديو "الواقي الذكري" علي بيان اعتذار "فاهيتا" له قائلًا: "اشطة يعني الموضوع ميستحقش".

وأضاف شادي عبر صفحته بموقع التواصل الاجتماعي "فيسبوك":"بخصوص بيان اعتذار أبلة فاهيتا عزيزتي أبلة فاهيتا انتي مش من خصومي علشان أزعل منك أو أسامحك...خصومي هم اللي خلوا خوفك يجبرك تقولي كلام غير طبيعتك اللي انا متعود عليها...خصومي حطولك سقف على برنامجك ومانعينك تسخري من حاجات كتير كان نفسك تقوليها وقصقصوا في تقاريري لما كنت معاكي....خصومي اللي وقفوا برنامج باسم يوسف ومنعونا حتى نضحك على بلاوينا...خصومي حكموا ب3 سنين سجن عسكري على صديقي عمرو نوهان بسبب صورة ساخة".

وتابع "شادي":"خصومي خطفوا مصطفى ماصوني وغيره كتير ومش عارفين مكانهم ولا عارفين هم عايشين ولا أموات...خصومي بيتهموا اي حد مختلف عنهم ليل نهار على التلفزيون بالعمالة والخيانة وبيحرضوا على قتلنا و سجننا...خصومي بيهددوا الفنان أحمد مالك "رغم اعتذاره" بعدم الظهور مجددا لأستكمال مشواره الفني بمجرد مشاركته معي في الفيديو الساخر وبيهددوني انهم هيأذوني انا وأهلي.
وأختتم كلامه ب:"عزيزتي أبلة فاهيتا خصومي ضعاف و تافهين قوي وبيتقمصوا من الهزار وكيانهم بيتهز من كوميكس او فيديو 120 ثانية...فا اشطة يعني الموضوع ميستحقش الاعتذار".
ي الذكري.

وكانت صفحة "أبله فاهيتا" الرسمية على موقع التواصل الاجتماعي "فيسبوك" أصدرت بيانًا جاء فيه: "بونسوار، هما كلمتين وأُرُفوار، عزيزي شادي: انت شاب شاطر وموهوب وعارف غلاوتك عندي حتى بطيشك وجنونك وهزارك الثقيل".

وتابعت: "أنا متأكده أنك ماتقصدش غير إنك تعبر عن رأيك، انت شاب والشباب لما بيحبط بيلوش، قلبي عندك وحضنك عندي".

وأضافت: "عزيزي العسكري الغلبان.. حقك علينا، انت على راسنا من فوق طول ما انت بتحمي بيوتنا وبوتيكاتنا وحقوقنا، وحتى لو ده واجبك، احنا مقدرين ومتشكرين، ماتزعلش، ده شباب محبط وتقلها في الهزار".

وواصلت: "عزيزي الشعب: أحضن نفسك، إنت مالكش غيرك، عزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو".

وأردفت: "أعزائي حبايبي وأعدائي.. حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل مايكون صدمة ليكوا، كنت فاكرة إني الأقوي وكلمتي هي اللي هتمشي، لكن طلع فيه الأقوى".

واختتمت: "أنا ست حرة ومابخافش ومش هأعيش غير حرة، بيقولولي يا أبلة، كان باين إنه مش كلامك، خليكي ساكتة وبكره الناس هتنسى، قولتلهم المهم أنا امتا هأنسى، عزيزي ديوركس: اتنفخت انت في القصة دي، عزيزتكم مهما شتمتوها، الأبلة".
بخصوص بيان اعتذار أبلة فاهيتا :-عزيزتي أبلة فاهيتاانتي مش من خصومي علشان أزعل منك أو أسامحك...خصومي هم اللي خلوا خوفك ...
Posted by Shady H. AbuZaid on Friday, 5 February 2016